دنیا کے خوش ترین ممالک کی فہرست جاری،پاکستان کا کونسا نمبر؟

0
30

خوشی کے عالمی دن کے موقع پر اقوام متحدہ کے تعاون سے جاری کی گئی دنیا کے خوش ترین ممالک کی فہرست جاری کر دی گئی-

باغی ٹی وی : پہلی ورلڈ ہیپی نیس رپورٹ کو شائع ہوئے دس سال سے زیادہ کا عرصہ گزر چکا ہے۔ اور اقوام متحدہ کی جنرل اسمبلی کی قرارداد 66/281 کو منظور کیے ہوئے ٹھیک دس سال ہو گئے ہیں، جس میں 20 مارچ کو ہر سال خوشی کا عالمی دن منانے کا اعلان کیا گیا تھا۔ تب سے، زیادہ سے زیادہ لوگ اس بات پر یقین کرنے لگے ہیں کہ بحیثیت ممالک ہماری کامیابی کا اندازہ ہمارے لوگوں کی خوشی سے لگایا جانا چاہیے۔ خوشی کی پیمائش کیسے کی جانی چاہئے اس کے بارے میں بھی ایک بڑھتی ہوئی اتفاق رائے ہے۔ اس اتفاق رائے کا مطلب ہے کہ قومی خوشی اب حکومتوں کے لیے ایک عملی مقصد بن سکتی ہے۔

آسٹریلوی فوجی افغانستان میں مبینہ جنگی جرائم کے الزام میں 3 سال بعد گرفتار

ورلڈ ہیپی نیس رپورٹ سسٹین ایبل ڈیولپمنٹ سلوشنز نیٹ ورک نے شائع کی ، جس کا ڈیٹا گیلپ ورلڈ پول کے ذریعے اکٹھا کیا گیارپورٹ میں بتایا گیا کہ اگرچہ عالمی سطح پر حالات خراب ہو رہے ہیں مگر لوگوں میں امید اور خوشی کا احساس بڑھا ہے درحقیقت کورونا وائرس کی وبا سے پہلے کے مقابلے میں اس وقت عالمی سطح پر لوگوں میں خوشی کا احساس 25 فیصد زیادہ بڑھ گیا ہے۔

فہرست مرتب کرنے والے ماہرین نے کہا کہ مشکل برسوں کے باوجود مثبت جذبات کی شرح منفی جذبات کے مقابلے میں دگنا زیادہ ہے اور مثبت سماجی تعاون کی شرح اب بھی تنہائی کے مقابلے میں دگنا زیادہ ہے اس فہرست کے لیے 150 سے زائد ممالک کے افراد سے 2020 سے 2022 کے دوران ہونے والے عالمی سروے کے ڈیٹا کا تجزیہ کرکے درجہ بندی کی گئی۔

اس درجہ بندی کے لیے فی کس آمدنی، متوقع زندگی، سماجی مدد، آزادی، سخاوت اور کرپشن جیسے عوامل کو مدنظر رکھا گیافہرست میں پاکستان 137 میں سے 108 ویں نمبر پر رہا جبکہ گزشتہ سال پاکستان اس فہرست میں 121 ویں نمبر پر تھا یعنی ایک سال میں رینکنگ میں 13 درجے بہتری آئی ہے بھارت میں ناخوشی کا احساس بڑھا اور وہ 137 ممالک کی فہرست میں 126 ویں نمبر پر رہا۔

ایران:مزار پر حملے میں ملوث دو ملزمان کو سزائے موت سنا دی گئی

دنیا میں سب سے ناخوش ملک افغانستان رہا جو 137 ویں نمبر پر موجود ہے جس کے بعد لبنان 136 ویں کے ساتھ دوسرے جبکہ سیرالیون 135 ویں نمبر کے ساتھ تیسرا ناخوش ملک قرار پایا جبکہ یورپی ملک فن لینڈ مسلسل چھٹے سال دنیا کا سب سے خوش ترین ملک قرار پایا جبکہ ڈنمارک اور آئس لینڈ بھی بدستور دوسرے اور تیسرے نمبر پر رہے۔

اس سال اسرائیل نے چوتھا نمبر حاصل کیا جو گزشتہ سال 9 ویں نمبر پر تھا جس کے بعد نیدرلینڈز 5 ویں، سوئیڈن چھٹے، ناروے 7 ویں، سوئٹزر لینڈ 8 ویں، لگسمبرگ 9 ویں جبکہ نیوزی لینڈ 10 ویں نمبر پر رہا آسٹریا، آسٹریلیا، کینیڈا، آئرلینڈ، امریکا، جرمنی، بیلجیئم، چیک ریپبلک، برطانیہ اور لتھوانیا بالترتیب 11 سے 20 ویں خوش ترین ملک قرار پائے۔

قتل کرنے کی دھمکیاں،ممبئی پولیس نے سلمان خان کی سیکیورٹی بڑھا دی

دنیا کے 20 ناخوش ممالک میں زمبابوے (134 ویں)، کانگو (133 ویں)، بوٹسوانا (132 ویں)، ملاوی (131 ویں)، کمروز (130 ویں)، تنزانیہ (129 ویں)، زیمبیا (128 ویں)، مڈغاسکر (127 ویں)، بھارت (126 ویں)، لائبیریا (125 ویں)، ایتھوپیا (124 ویں)، اردن (123 ویں)، ٹوگو (122 ویں)، مصر (121 ویں)، مالی (120 ویں) گیمبیا (119 ویں) اور بنگلا دیش (118 ویں) شامل ہیں۔

Leave a reply