اردو زبان کا عالمی دن، ریاض میں رنگا رنگ تقریب کا انعقاد

ریاض (کامران اشرف) اردو زبان کا عالمی دن الف انٹرنیشنل اسکول ریاض میں شاندار اور یادگار طریقے سے منایا گیا۔ اس خصوصی تقریب میں طلباء نے اپنی تخلیقی صلاحیتوں کا بھرپور مظاہرہ کیا اور اردو زبان سے اپنی محبت کا اظہار کیا۔

تقریب میں طلباء نے رنگا رنگ پرفارمنس پیش کیں جنہوں نے شائقین کو محظوظ کیا۔ ہر ایک طالب علم کی پیش کش نے حاضرین کو مسحور کر دیا، اور تقریب میں موجود طلباء اور اساتذہ نے ان کی صلاحیتوں کی بھرپور داد دی۔ طلباء نے مختلف خاکے، تقاریر، اور نغمات پیش کیے جنہوں نے اردو زبان کی اہمیت اور ثقافتی ورثے کو اجاگر کیا۔

تقریب کے اختتام پر اسکول کی انتظامیہ اور اساتذہ نے طلباء کو ان کی شاندار کارکردگی پر مبارکباد پیش کی اور اردو زبان کی ترویج کے لئے اس قسم کی تقریبات کو جاری رکھنے کے عزم کا اعادہ کیا.

Comments are closed.