fbpx

امریکہ وچین کے درمیان تجارتی معاہدے طے پا گیا

وااشنگٹن: امریکہ و چین کے اعلیٰ‌ حکام تجارتی معاہدے کے چند نکات پر متفق ہو گئے ہیں،

امریکا اور چین کے اعلیٰ حکام جمعے کو ٹیلی فونک گفتگو کے بعد تجارتی معاہدے کے چند نکات پر اتفاق کے قریب پہنچ گئے ، یہ بات امریکا کے تجارتی نمائندہ اور چین کی وزارت تجارت کے حکام نے میڈیا کو بتائی کہ بات چیت جای رکھی جائے گی ،
امریکا کے تجارتی نمائندہ نے پیش رفت کے حوالے سے کوئی تفصیل نہیں بتائی، یہاں جاری ہونے والے ایک بیان میں بتایا گیا کہ دونون طرف سے پیش رفت ہوئی ہے اور دونوں ممالک تجارتی معاہدے کے چند نکات پر اتفاق کے قریب پہنچ گئے ہیں، ڈپٹی کی سطح پر بات چیت جاری رہے گی اور اعلیٰ حکام جلد ٹیلی فون پر بات کریں گے ،

واشنگٹن اور بیجنگ فیز ون تجارتی معاہدے کے مسودے کو حتمی شکل دینے کیلئے کام کر رہے ہیں جس کا مریکی صدر ڈونلڈ ٹرمپ نے 11 اکتوبر کو اعلان کیا تھا ، ٹرمپ کا کہناہے کہ امید ہے کہ چلی میں سمٹ کے دوران چینی صدر شی جن پنگ کے ساتھ تجارتی معاہدے پر دستخط کردیے جائیں گے۔