امریکی کمانڈرسینٹ کام کاجی ایچ کیوکادورہ،آرمی چیف سےملاقات،سیکیورٹی صورتحال سمیت دیگرامورپرتبادلہ خیال

0
27

راولپنڈی:امریکی کمانڈر سینٹ کام کا جی ایچ کیو کا دورہ، آرمی چیف سے ملاقات،اطلاعات کے مطابق امریکی سینٹرل کمانڈ کے وفد نے جی ایچ کیو کا دورہ کیا جس میں خطے کی سیکیورٹی صورتحال سمیت دیگر امور پر تبادلہ خیال کیا گیا۔

پاک فوج کے شعبہ تعلقات عامہ آئی ایس پی آر کے مطابق پاک امریکا عسکری حکام کے درمیان وفود کی سطح پر مذاکرات ہوئے جس میں پاک فوج کی انسداد دہشتگردی کی کوششوں اورعلاقائی امن واستحکام کے کردار پر تبادلہ خیال کیا گیا۔

ترجمان پاک فوج کے مطابق مذاکرات میں پاکستان امریکا فوجی تربیتی تبادلہ پروگرام بھی زیر بحث آیا۔

ترجمان کے مطابق سربراہ امریکی سنٹرل کمانڈ نے دہشتگردی کیخلاف جنگ میں پاک فوج کے کردار کو سراہا جبکہ انسداد دہشتگردی کے تجربات اور علاقائی امن و استحکام کیلئے کاوشوں کا بھی اعتراف کیا۔

آئی ایس پی آر کے مطابق آرمی چیف جنرل قمرجاوید باجوہ اور سربراہ امریکی سنٹرل کمانڈ کے درمیان ون آن ون ملاقات بھی ہوئی جس میں علاقائی سلامتی صورتحال اور دفاعی وسیکیورٹی تعاون پر تبادلہ خیال کیا گیا۔ترجمان کے مطابق بعد ازاں معزز مہمان نے آرمی میوزیم کا بھی دورہ کیا اور مختلف تاریخی دیواروں میں گہری دلچسپی لی۔

Leave a reply