امریکہ بھارت دوستی میں دراڑیں پڑ گئیں

امریکہ بھارت دوستی میں دراڑیں پڑ گئیں

باغی ٹی وی کی رپورٹ کے مطابق امریکا اور بھارت کی دوستی میں دراڑیں پڑ گئیں،وائیٹ ہاؤس نے سماجی رابطے کی ویب سائٹ ٹویٹر پر مودی کو انفالو کر دیا

وائٹ ہائوس کی جانب سے بھارتی صدر اور وزیر اعظم مودی کو ٹوئٹر پر ان فالو کرنے کے بعد وائٹ ہائوس کے رابطے میں رہنے والے بھارتی ٹوئٹر ہینڈلز کی تعداد 13 رہ گئی ہے ۔

وائٹ ہاؤس نے وزیراعظم مودی اور دیگر بھارتی ہینڈلز سے رابطے کلوروکوئن کی برآمد پر پابندی اٹھانے کے حوالے سے شروع کئے ، اس دوا کو صدر ٹرمپ کو رونا وائرس کا حل قرار دے رہے تھے ۔ صدر ٹرمپ کی درخواست پر مودی نے کلوروکوئن کی برآمد پر پابندی اٹھا لی ، جسے صدر ٹرمپ نے دوستوں کے درمیان تعاون کی مثال قرار دیا۔

یہ واضح نہیں کہ وائٹ ہاؤس نے بھارتی وزیراعظم سے ٹوئٹر دوستی کیوں ختم کی، نہ ہی یہ واضح ہے کہ آیا اس سے بھارت اور امریکا کے مابین تلخی کی عکاسی ہوتی ہے کہ نہیں

بھارت کی اپوزیشن جماعت کانگریس کے رہنما راہول گاندھی نے وائٹ ہائوس کی طرف سے صدر اور وزیر اعظم کو ٹوئٹر پر ان فالو کرنے پر تشویش کا اظہار کرتے ہوئے کہا کہ وزارت خارجہ کو اس معاملے کا فوری نوٹس لینا چاہئے ۔