امریکی سینیٹر کا دورہ آزاد کشمیر، ٹوئٹر پر دیا اہم پیغام

امریکی سینیٹرزکرس وان ہولین اور میگی حسن نے آزاد جموں و کشمیر کا دورہ کیا۔ دورے کے بعد امریکی سینیٹر میگی حسن نے ٹوئٹر پر اپنا پیغام دیا۔

پہلےکشمیر، پھر بات ہوگی باقی امور پر ، وزیراعظم نے امریکی سینیٹرز کو صاف صاف بتادیا

امریکی سینیٹر نے ٹوئٹ کیا کہ پاکستان اور بھارت کے درمیان کشیدگی کو کم کرنے کے لیے راستے تلاش کیے جائیں۔امریکی سینیٹر کے مطابق کشمیر میں بڑھتی ہوئی کشیدگی کے پیش نظر یہ ضروری ہے کہ ایسے راستے ڈھونڈھے جائیں جو دونوں کشیدگی کو ختم کر سکیں۔

میگی حسن نے مزید کہا ، "میں اب ہندوستان کا سفر کر رہی ہوں جہاں میں حکام سے ملاقات کروںگی ۔”

مسئلہ کشمیر کے حل کیلئے امریکی حمایت قابل تعریف ہے ، آرمی چیف کی امریکی سینیٹرز ملاقات

اپنے دورہ کے دوران امریکی سینیٹرزکرس وان ہولین اور میگی حسن نے وزیراعظم عمران خان اور چیف آف آرمی سٹاف جنرل قمر جاوید باجوہ سے بھی ملاقات کی۔عمران خان سے امریکی سینیٹرزکرس وان ہولین اور میگی حسن نے ملاقات کی ، ملاقات میں امریکی رکن کانگریس طاہر جاوید ،ناظم الامور پال جونز بھی ملاقات میں شریک ہوئے جبکہ وزیراعظم کے معاون خصوصی زلفی بخاری بھی موجود تھے۔

مقبوضہ کشمیرمیں‌بھارتی مظالم کے خلاف 6 امریکی سینیٹرز کا خط ، حالات سے آگاہ کیا گیا

امریکی سینیٹرز سے بات کرتے ہوئے عمران خان نے کہا کہ میں کشمیر اور کشمیریوں کی بات پہلے کروں گا، باقی امور بعد میں دیکھیں جائیں گے، ایک انچ بھی کشمیر ایشوسے پیچھے نہیں ہٹ سکتا ، کشمیر کے حالات بہتر ہونے تک مذاکرات کی ٹیبل پر نہیں بیٹھ سکتے ، دونوں ملک ایٹمی طاقت ہیں،خطرناک نتائج ہوسکتے ہیں۔

دریں اثنا امریکی سینیٹرز نے آرمی چیف سے جنرل ہیڈکوارٹرز (جی ایچ کیو) راولپنڈی میں ملاقات کی۔آئی ایس پی آر کے مطابق ملاقات میں باہمی دلچسپی کے امور اور علاقائی سلامتی کی صورتحال پر تبادلہ خیال کیا گیا جب کہ افغان مفاہمتی عمل اور مسئلہ کشمیر پر بھی بات چیت کی گئی۔