عثمان بزدار نے پولیتھین بیگز بارے بڑا اعلان کر دیا

وزیراعلیٰ پنجاب عثمان بزدار نے خودپور میں ایک تقریب سے خطاب کرتے ہوئے کہا کہ پولیتھین بیگ پر پنجاب حکومت بھی پابندی لگائے گی ۔کابینہ میں پولیتھین بیگ کی پابندی کےلئے سمری بھیج دی ہے ۔
عثمان بزدار نے وہ کیا کام کردیا کہ مخالفین بھی تعریف کیے بغیر نہ رہ سکے
انہوں نے کہا کہ درخت ہمارے دوست ہیں جو ہمیشہ وفا کرتے ہیں ایسے دوستوں کو کبھی فراموش نہیں کرنا چاہئے۔ بلین ٹری سونامی کے تحت چھبیس ارب روپے مختص کئے گئے ہیں۔ اگلے چار سالوں میں بیالیس کروڑ پودے لگائے جائیں گے جو ریکارڈ ہوگا ۔ گرین اور سر سبز پنجاب کےلئے ایسے تاریخی منصوبے کی مثال نہیں ملتی۔

عثمان بزدار نے مزید کہا کہ پنجاب حکومت پہلی بار سرکاری زمینوں پر قبضے سے واگزار کروا رہی ہے۔ اس مہم سے ہزاروں ایکٹر واگزار کروا کر سرکاری اداروں کو واپس کیا جا رہا ہے جسے شجر کاری کےلئے مختص کر دیاگیاہے۔