وزیراعلیٰ پنجاب سردار عثمان بزدارنے وزیروں ،مشیروں کے نام اہم خط لکھ دیا

لاہور:وزیراعلیٰ پنجاب سردار عثمان بزدارنے وزیروں ،مشیروں کے نام اہم خط لکھ دیا ،اطلاعات کےمطابق وزیراعلیٰ پنجاب سردار عثمان بزدار کا صوبائی وزراء مشیران، معاونین خصوصی اور اراکین اسمبلی کے نام مراسلہ لکھ کرکرونا سے متعلق کئے گئے اقدامات اورمستقبل کی پالیسیوں سے آگاہ کردیا

وزیراعلیٰ پنجاب سردار عثمان بزدارنے اپنے خط میں لکھا ہے کہ وطن عزیز کورونا وائرس کی وجہ سے غیرمعمولی حالات سے گزررہا ہے۔پنجاب کے عوام بھی کورونا سے متاثر ہورہے ہیں۔امید ہے کہ آپ اپنی تمام ترکوششیں موجودہ غیرمعمولی صورتحال سے نمٹنے کیلئے بروئے کار لائیں گے۔

وزیراعلیٰ پنجاب سردار عثمان بزدارنے وزیروں ، مشیروں اورمعاونین خصوصی کے نام اپنے خط میں لکھا کہ اللہ تعالیٰ کے فضل و کرم سے حکومت پنجاب نے کورونا وائرس کی روک تھام کیلئے موثر اقدامات کئے ہیں۔وزیراعلیٰ پنجاب سردار عثمان بزدارنے کہا کہ پورا یقین ہے کہ ہم جلد اس مرض پر قابو پانے میں کامیاب ہوجائینگے۔

وزیراعلیٰ پنجاب سردار عثمان بزدارنے اپنے خط میں لکھا ہےکہ ڈاکٹروں کو حفاظتی لباس،ڈی ایس ایل تھری لیبز کے قیام،کورونا کٹس اور دیگر ضروری سازوسامان کی فراہمی میں پنجاب لیڈ لے رہا ہے۔پنجاب جلد روزانہ10 ہزار ٹیسٹ کی صلاحیت حاصل کرلے گا۔صوبہ بھر میں قرنطینہ مراکز، آئسولیشن وارڈزاورہائی ڈیپنڈنسی یونٹس قائم کئے جا چکے ہیںکورونا وائرس کی وجہ سے بے روزگاری کا سامنا کرنیوالے لوگوں کی پریشانیوں کا ادرک ہے۔

وزیراعلیٰ پنجاب سردار عثمان بزدارنے مراسلے میں کہا ہےکہ وزیراعظم عمران خان کا شکریہ ادا کرتا ہوں جنہوں نے احساس کفالت پروگرام اور ”چیف منسٹرپنجاب انصاف امداد پروگرام“ کے تحت ضرورت مند شہریوں کیلئے مالی امداد کی رقم 12ہزارروپے کرنے کی منظوری دی۔ مستحق افراد کورقوم کی ادائیگی شروع ہوچکی ہے۔ذخیرہ اندوزی اور گراں فروشی کی وجہ سے عام آدمی کو معاشی تکالیف کا سامنا ہے۔

وزیراعلیٰ پنجاب سردار عثمان بزدارنے اپنے مراسلے میں لکھا کہ اس صورتحال میں عوامی نمائندوں کی یہ قومی ذمہ داری ہے کہ وہ اپنے اضلاع میں انتظامیہ کے ساتھ مسلسل رابطہ رکھیں۔عوامی نمائندے ذخیرہ اندوزوں اورگراں فروشوں کے خلاف کارروائی کی مانیٹرنگ کا فریضہ سرانجام دیں۔منتخب نمائندے انسداد ڈینگی اورکلین اینڈ گرین پنجاب پروگرام کیلئے کیے جانیوالے اقدامات کی خود نگرانی کریں۔

منتخب نمائندے اپنے علاقوں میں ہسپتالوں کا دورہ کر کے مریضوں کے علاج معالجہ کی سہولتوں کا بھی جائزہ لیں۔آپ متعلقہ ضلع میں کوروناوائرس سے پیدا ہونیوالی صورتحال کے تدارک کیلئے تمام تر اقدامات کی نگرانی کے ساتھ گندم خریداری مہم کو بھی مانیٹرکررہے ہیں۔غیر معمولی حالات میں دکھی انسانیت کی خدمت میں مصروف ڈاکٹرزاورپیرامیڈیکل سٹاف کی حوصلہ افزائی ضروری ہے

ہمارا مقصدعوام کی مشکلات کا تدارک اوران کے مسائل کا فوری حل ہےمنتخب نمائندے انتظامیہ کے اشتراک سے عوامی مسائل کے حل کیلئے بھر پورکاوشیں جاری رکھیں۔انشاء اللہ مشکل کا یہ وقت جلد گزر جائے گاان حالات میں دوسروں کا دکھ درد بانٹنے والے اورضروریات کو پورا کرنے والوں کو تادیر یاد رکھا جائے گا۔

جواب چھوڑیں

آپ کا ای میل ایڈریس شائع نہیں کیا جائے گا.