ادلے کا بدلہ ، کچھ شرم ہوتی ہے ، کچھ حیاہوتی ہے ،عثمان ڈارنے خواجہ آصف کو بڑی پیشکش کرکے مشکل میں ڈال دیا

اسلام آباد : ادلے کا بدلہ ، کچھ شرم ہوتی ہے ، کچھ حیاہوتی ہے ،عثمان ڈارنے خواجہ آصف کو بڑی پیشکش کرکے مشکل میں ڈال دیا ،اطلاعات کے مطابق معاون خصوصی عثمان ڈار نے خواجہ آصف کو کامیاب جوان پروگرام میں شمولیت کی پیشکش کردی اور کہا جو بویا وہ کاٹنا پڑے گا، ذرا بھی حیاء ہوتی تو اقامہ پھینک کر قوم سے معافی مانگتے۔

عثمان ڈار کا کہنا تھا کہ خواجہ آصف کے پاس دفاع اور خارجہ امور جیسی حساس وزارت کا قلمدان تھا ، وزیر دفاع ہوتے ہوئے کسی اور ملک کا اقامہ کیوں رکھا گیا؟ قومی وقار کو بالائے طاق رکھ کر غیر ملکی کمپنی کے ملازم بنے اور ایسی ملازمت کی جس میں کام نہ کرنے پر 20 لاکھ تنخواہ ملی۔ وہ بطور وفاقی وزیر ملک کی شرم ساری کا باعث بنے۔

معاون خصوصی نے کہا کہ سر فخر سے بلند نہیں شرم سے جھک جانے کا مقام ہے، ذرا بھی حیاء ہوتی تو اقامہ پھینک کر قوم سے معافی مانگتے, اقامہ رکھنے پر خواجہ آصف کے نام نہاد لیڈر کو نا اہل کر دیا گیا۔

ان کا کہنا تھا کہ خواجہ آصف قوم کو بتائیں دبئی کی کمپنی میں کیا بیچتے تھے؟ ایسا کونسا ہنر تھا جس کے بدلے لیبر نمبر 303 لیا؟ خواجہ آصف کے پاس ہنر ہے تو اسکل ڈویلپمنٹ پروگرام میں شامل ہوں اور کامیاب جوان پروگرام میں شامل ہو کر ہنر مند پاکستان کا حصہ بنیں۔