پاکستانی باکسرعثمان وزیرنے تھائی حریف کوہراکر اپنی تیسری ورلڈ رینکنگ فائٹ جیت لی

0
21

اسلام آباد:پاکستانی باکسرعثمان وزیرنے تھائی حریف کوہراکر اپنی تیسری ورلڈ رینکنگ فائٹ جیت لی،اطلاعات کےمطابق ایشین بوائے کے نام سے مشہور عثمان وزیر نے تھائی لینڈ کے ٹاپ رینکنگ باکسر کو ہرادیا ۔

کھیل کے میدان سے ذرائع کےمطابق عثمان وزیرنے پروفیشنل کیریئر کی تیسری انٹرنیشنل فائیٹ جیت کر ہیٹرک بھی مکمل کر لی ۔ عثمان وزیر کی فائٹ ورلڈ چیمپئن مینی پاکیو کی پروموشن کے زیراہتمام منیلا میں کھیلی گئی۔

میچ جیتنے کے بعد پاکستانی باکسرعثمان وزیر کا کہنا تھا کہ اپنی تیسری ورلڈ رینکنگ فائٹ جیتنے پر بہت خوش ہوں، جیت پاک فوج کے شہیدوں کے نام کرتا ہوں اورملک کی دفاع و سالمیت کے لئے پاک فوج کی خدمات پر سلوٹ کرتا ہوں ۔

عثمان وزیر کا مزید کہنا تھا کہ کامیابی کے لئے دعائیں کرنے پر پوری قوم کا شکر گزار ہوں، آئندہ بھی پاکستان کا نام روشن کرتا رہوں گا ۔

Leave a reply