کراچی: رہنما پی پی پی شازیہ مری نے حکومت کا یوٹیلٹی اسٹورز کی بندش پر یوٹرن لینے پر تشویش کا اظہار کیا ہے-
باغی ٹی وی: شازیہ مری نے کہا کہ معاملہ وفاقی کابینہ میں لے جایا گیا مخالفت پر یقین دہانی کرائی گئی کہ فیصلہ پر نظرثانی کی جائے گی، حکومت کی طرف سے نیشنل اسمبلی کے فلور پر کہا گیا کہ فیصلہ واپس لیں گے،ایک مرتبہ پھر قائمہ کمیٹی کے اجلاس میں حکومت اس وعدے سے مکر گئی ہے، یوٹرن سےحکومت اپنی ساکھ کو متاثر کررہی ہے-
شازیہ مری نے کہا کہ وفاقی حکومت عوام دشمن فیصلے لینے سے گریز کرے، یوٹیلٹی اسٹورز بند کرکے حکومت غریب عوام کو سستی اشیاء کی فراہمی کا دروازہ بند کرنا چاہتی ہے، ملک میں روزگار کے زرائع پیدا کرنے کے بجائے انہیں بند کیا جارہا ہے، اس فیصلے سےیوٹیلٹی اسٹورز پر کام کرنے والے ہزاروں لوگ بے روزگار ہوں گے-
خیبرپختونخوا میں نئے آئی جی کی تعیناتی،علی امین کو گرفتاریوں کا خوف
انہوں نے کہا کہ حکومت روزگار دینے کے بجائے روزگار چھین رہی ہے، حکومت کےاس فیصلے پر تشویش ہے اور اس طرح کے متعصبانہ فیصلوں کو واپس لیا جائے،پیپلز پارٹی ہر عوام دشمن فیصلے کے خلاف ہے اور ہمیشہ مظلوم کے ساتھ کھڑی رہے گی-
