fbpx

ویکسینیشن سینٹرز کا دائرہ کار بڑھانے کا اصولی فیصلہ

ٹیکرز نمبر589
لاہور7 اپریل:
عوام کیلئے ویکسینیشن، وزیراعلیٰ پنجاب سردار عثمان بزدارنے اہم اعلان کر دیا
وزیراعلیٰ پنجاب سردار عثمان بزدار کی زیرصدارت اجلاس منقعد کیا گیا۔ اجلاس میں کورونا کی صورتحال اور ویکسینیشن کے عمل پر پیش رفت کا جائزہ لیا گیا۔ اجلاس میں صوبائی وزیر صحت ڈاکٹر یاسمین راشد، معاون خصوصی ڈاکٹر فردوس عاشق اعوان اورمتعلقہ حکام نے شرکت کی۔ ویکسینیشن سینٹرز کا دائرہ کار بڑھانے کا اصولی فیصلہ کر لیا گیا ہے۔ پنجاب میں کورونا ویکسینیشن کیلئے مزید سینٹر زبھی قائم ہوں گے۔ پی کے ایل آئی میں ویکسینیشن سنٹر فعال کر دیا گیا جس کے بعد لاہور میں ویکسینیشن مراکز تین ہو جائیں گے۔ پنجاب میں 50 سال سے زائد العمر افراد کی رجسٹریشن شروع کردی گئی ہے۔ شہری 1166 پر شناختی کار ڈ کا نمبر بھیج کر رجسٹریشن کروا سکتے ہیں۔ کورونا مریضوں کے لئے آکسیجن کی فراہمی یقینی بنانے کے لئے وفاق سے رابطہ کیا گیا ہے۔ عثمان بزدار کا کہنا تھا کہ کورونا ویکسین خریدنے کے لئے ڈیڑھ ارب روپے کے فنڈز مختص کر رہے ہیں اور پنجاب حکومت شہریوں کو ویکسین لگانے کے لئے 10 لاکھ سے زائد ڈوز خریدے گی- پنجاب کے ہر شہری کو کورونا سے بچانے کے لئے تمام ممکنہ اقدامات کریں گے۔ پنجاب کے زیادہ مثبت کیسز والے اضلاع میں تمام تر ضروری سہولیات فراہم کی جا رہی ہیں۔ کورونا سے مکمل نجات حاصل کرنے کے لئے عوام کا بھرپور تعاون بے حد ضروری ہے۔ محض ماسک کے استعمال سے کورونا وائرس سے بچاؤ ممکن ہے۔

جواب چھوڑیں

آپ کا ای میل ایڈریس شائع نہیں کیا جائے گا.