پاکستان میں‌ لگائی جانے والی ویکسینز،برطانیہ میں منظور:پریشانی دور

اسلام آباد:پاکستان میں‌ لگائی جانے والی ویکسینز،برطانیہ میں منظور:پریشانی دور،اطلاعات کے مطابق برطانیہ نے پاکستان میں لگائی جانے والی کرونا ویکسین کو منظور کرلیا، جس کے بعد اب سفر مزید آسان ہوجائے گا۔

ذرائع کے مطابق پاکستان سےبرطانیہ سفر کرنے والوں کیلئےخوشخبری یہ ہے کہ برطانوی حکومت نے سائنو فام، سائنوویک، کوویکسین کو بھی منظورشدہ ویکسین کی فہرست میں شامل کرلیا۔

پاکستان میں تعینات برطانوی ہائی کمشنر کرسچن ٹرنر نے ٹویٹ میں بتایا کہ بائیس نومبرسےسائنوویک، سائنو فارم کو بھی تسلیم کیا جائے گا۔

جاری ہونے والی نئی ٹریول ایڈوائزری کے مطابق برطانیہ نے کہا ہے کہ وہ اس ماہ عالمی ادارہ صحت کی ہنگامی استعمال کی فہرست میں تمام ویکسینز کو تسلیم کرے گا۔

ایڈوائزری میں بتایا گیا ہے کہ منظور شدہ ویکسینز میں فائزر، آسٹرا زینیکا،موڈرنا اور جانسن سمیت سائنوویک،سائنو فارم اور کو ویکسین لگوانے والوں کو بھی داخلے کی اجازت ہوگی۔