وہاڑی میں ریڈز کے زیراہتمام جشن آزادی کی ریلی نکالی گئی

وہاڑی شہر اور گردونواح میں جشن آزادی کی تقریبات جوش و جذبہ سے جاری ہیں، سماجی تنظیم ریڈز پاکستان کے زیراہتمام پاکستان زندہ باد ریلی کا انعقاد کیا گیا ہے، ریلی کے شرکاء نے پاکستان زندہ باد کے نعرے لگائے، شہریوں کی ریلی پرگلپاشی کی گئی ہے.

ملک بھر کی طرح وہاڑی شہر میں بھی جشن آزادی بھرپور جوش و جذبہ سے منایا جارہا ہے، سماجی تنظیم ریڈز پاکستان کے زیراہتمام پاکستان زندہ باد ریلی نکالی گئی ہے، ریلی کے شرکاء نے قومی پرچم فضا میں لہراتے ہوئے پاکستان زندہ باد کے فلک شگاف نعرے لگائے ہیں، ریلی کی قیادت مانیٹرنگ آفیسر ریڈز پاکستان محمد عرفان نے کی جبکہ ریلی میں ترجمان ایم این اے سجاد خان کھچی، صدر مرکزی انجمن تاجران ارشاد حسین بھٹی،سی ای او بلدیہ راو نعیم خالد سمیت کثیر تعداد میں شہری شریک ہوئے ریلی شرکاء نے اپنے خطابات میں قوم کو آزادی کی مبارکباد دی اور اس بات پر زور دیا کہ قیام پاکستان کے وقت بزرگوں کی قربانیوں بارے نوجوان نسل کو آگاہ کیا جائے، مقررین نے حکومتی ویژن گرین اینڈ کلین مہم کو کامیاب بنانے کیلئے شہریوں سے اپنا کردار ادا کرنے کی اپیل کی ریلی میونسپل کمیٹی چوک سے شروع ہوکر ہمدرد چوک پہنچ کر اختتام پذیر ہوئی.

طیب اشرف
نمائندہ باغی ٹی وی لڈن
تحصیل وہاڑی ضلع وہاڑی