وکی کوشل سے افئیر کی تصدیق پر کترینہ کیف انیل کپور کے بیٹے پر برہم

بھارتی اداکاروکی کوشل سے افئیر کی تصدیق کرنے پر بالی ووڈ اداکارہ کترینہ کیف سینئیر اداکار انیل کپور کے بیٹے ہرش وردھن کپور پر برہم ہوگئیں۔

باغی ٹی وی : بھارتی میڈیا کے مطابق کئی ہفتوں سے سوشل میڈیا پر بھارتی اداکارہ کترینہ کیف اور اداکار وکی کوشل کے درمیان افئیر کی افواہیں گرد ش کررہی تھیں تاہم دونوں کی جانب سے افواہوں کی تصدیق یا تردید نہیں کی گئی-

کچھ روز قبل معروف اداکار انیل کپور کے بیٹے ہرش وردھن کپور سے ’چیٹ شو‘ میں سوال کیا گیا کہ بالی وڈ میں ایسی کون سے جوڑی ہے جس کی افواہیں سچ ہیں؟ ہرش وردھن کپور نے جواب میں کترینہ اور وکی کوشل کا نام لیا اور کہا کہ ’کترینہ اور وکی ساتھ ہیں،اور یہ بالکل سچ ہے۔

ساتھ ہی شو میں ہرش وردھن کپور نے یہ بھی واضح کیا کہ ہوسکتا ہے اس بیان کے بعد وہ کسی مشکل میں پھنس جائیں گے۔

بھارتی میڈیا کے مطابق کترینہ کیف کے قریبی ذرائع کا کہنا ہے کہ اداکارہ ہرش وردھن کپور کے اس بیان سے ناخوش اور غصہ ہیں۔

ذرائع نے یہ بھی کہا کہ ہرش کپور کو کسی کی ذاتی زندگی پر بیانات دینے کا حق نہیں، انہیں افئیر کی تصدیق سے قبل کترینہ کیف سے بات کرنی چاہیے تھی۔

ذرائع کا مزید کہنا تھا کہ کترینہ کیف اور رنبیر کپور کےافیئر کے بارے میں بھی افواہیں چلی تھیں جن کی وجہ سے اداکارہ کو کافی پریشانی کا سامنا کرنا پڑا تھا تاہم اب کترینہ کیف وکی کوشل کے ساتھ اپنے افئیر کو خاموشی سے جاری رکھنا چاہتی ہیں۔