لاہور: سانحہ مینار پاکستان کے بعد ایک اور لڑکی سے مبینہ بدسلوکی کی ویڈیو:پنجاب حکومت حرکت میں آگئی ،اطلاعات کے مطابق حال ہی میں سوشل میڈیا پر ایک ویڈیو وائرل ہورہی ہے
سوشل میڈیا پروائرل ہونے والی اس ویڈیو میں دیکھا جاسکتا ہے کہ ایک شاہراہ پر نوجوان ہلڑ بازی کررہے ہیں اور اسی دوران چنگچی رکشا میں جانے والے ایک لڑکی کو نوجوان رکشے میں چڑھ زبردستی بوسہ دیکر فرار ہوتا ہے اور لڑکی ہکا بکا رہ جاتی ہے۔
اسی دوران اور نوجوان بھی چنگچی رکشہ کی جانب بڑھتے ہیں لیکن لڑکی کے ساتھ بیٹھی دوسری لڑکی چپل اتار کر اپنی طرف آنے والے نوجوانوں کو روکتی ہے۔
علامہ اقبال نے شاید انہیں نوجوانوں کے بارے میں یہ بات کہی تھی کہ :
تمہاری تہذیب اپنے خنجر سے آپ ہی خود کشی کرے گی
جو شاخ نازک پر آشیانہ بنے گا ناپائدار ہو گالاہورمینارپاکستان واقعہ کے بعد ایک جگہ نئی تہذہب کا دلدادہ رکشے پربیٹھی خواتین سے چھیڑخانی کرتے ہوئے دکھائی دے رہا ہے pic.twitter.com/esdES1nxeb
— Baaghi TV باغی ٹی وی (@BaaghiTV) August 20, 2021
وائرل ہونے والی ویڈیو کے حوالے سے یہ واضح طور پر نہیں کہا جاسکتا کہ یہ ویڈیو کس شہر اور مقام کی ہے تاہم ممکنہ طور پر یہ واقعہ بھی جشن آزادی کے موقع پر لاہور میں پیش آیا۔
ویڈیو وائرل ہونے کے بعد عوام میں کافی غم و غصہ پایا جاتا ہے اور فوری طور پر اعلیٰ حکام سے نوٹس لینے کا مطالبہ کیا جارہا ہے۔
دوسری طرف لاہورپولیس کا کہنا ہے کہ ابھی تک اس ویڈیو کا پتہ نہیں چل سکا کہ یہ کس علاقے سے تعلق رکھتی ہے اورنہ ہی ابھی تک کسی نے کوئی شکایت درج کروائی ہے
دوسری طرف فیاض الحسن چوہان نے کہا ہے کہ کشہ میں خاتون کے ساتھ حرکت کرنے والا جلد گرفتار کرلیاجائےگا
صوبائی وزیرکا کہنا تھا کہ اقبال پارک واقعے میں 20افراد کو گرفتار کرلیاگیا ہے،ان کا کہنا تھا کہ پی ٹی آئی حکومت میں کسی پر بھی ظلم برداشت نہیں کیا جائے گا
فیاض الحسن چوہان کہتے ہیں کہ ایسی شرمناک حرکت کرنے والا بچ کر نہیں پائے گا، جس کی شکل ویڈیو میں واضح ہے وہ بچ نہیں پائے گا، واقعے کی سائنسی بنیاد پر تحقیقات کرائی جائےگی