شیخوپورہ میں کرونا ایس او پیز کی خلاف ورزیاں جاری

شیخوپورہ(نمائندہ باغی ٹی وی) جنڈیالہ روڈ پر لاک ڈاؤن کی خلاف ورزیاں جاری ،انتظامیہ اور پولیس نے چپ سادھ لی۔
تفصیلات کے مطابق جنڈیالہ روڈ پر ہفتہ وار دو روزہ لاک ڈاؤن کی خلاف ورزیاں جاری ہیں جمعہ کے روز تمام کاروباری مراکز کھلے رہے ، انتظامیہ اور پولیس کی جانب سے کوئی کاروائی عمل میں نا لائی گئی،

حکومتی ایس او پیز کی بھی کھلی خلاف ورزیاں جاری رہیں، یہی وجہ ہے کے شیخوپورہ میں کرونا وائرس کے مریضوں کی تعداد بڑھتی جا رہی ہے، شہریوں نے ڈپٹی کمشنر اور ڈسٹرکٹ پولیس آفیسر سے مطالبہ کیا ہے کہ کرونا ایس او پیز پر سختی سے عملدرآمد کروایا جائے

یادر رہے کہ پنجاب حکومت کے احکامات کی روشنی میں شیخوپورہ میں جمعہ اور ہفتہ کے دن لاک ڈاؤن ہوتا ہے۔ شیخوپورہ کے تاجر حضرات کی اپیل پر ڈپٹی کشمنر نے حکومت پنجاب کو مراسلہ لکھا تھا جسے پنجاب حکومت نے مان لیا اور نوٹیفکیشن جاری کیا تھا

شہر شیخوپورہ میں کرونا کی تیسری لہر میں مریضوں کی تعداد بھی بڑھتی جارہی ہے،اب تک کرونا کے مثبت کیسز کی تعداد پہلی اور دوسری لہر سے کہیں زیادہ ہیں