کراچی کے بعد لاہورمیں پرتشدد خفیہ کارروائیاں : موٹر سائیکل سواروں کی فائرنگ سے5 نوجوان زخمی

لاہور:کراچی کے بعد لاہورمیں پرتشدد خفیہ کارروائیاں : موٹر سائیکل سواروں کی فائرنگ سے5 نوجوان زخمی،اطلاعات کے مطابق لاہور کے علاقے گلبرگ میں موٹر سائیکل سواروں کی فائرنگ کے نتیجے میں 5 نوجوان زخمی ہوگئے ۔

میڈیا رپورٹس کے مطابق لاہور گلبرگ کے علاقے غالب مارکیٹ میں موٹرسائیکل سواروں کی فائرنگ سے 5 نوجوان زخمی ہو گئے ہیں ۔ فائرنگ غالب مارکیٹ میں موجود گیسٹ ہاؤس کے باہر ہوئی، پولیس نے موقع پر پہنچ کر زخمیوں کو ہسپتال منتقل کردیا، پولیس کے مطابق زخمیوں کی شناخت یاسین، دانش ، چاند ، حنان اور شیرا کے نام سے ہہوئی ہے ۔

پولیس نے نامعلوم ملزمان کیخلاف مقدمہ درج کر کے کارروائی شروع کردی ہے ۔ واضح رہے کہ کچھ دیر قبل کراچی میں ایک امام مسجد پر دو موٹر سائیکل سواروں نے فائرنگ کی ۔ فائرنگ کے نتیجے میں مفتی عبداللہ شدید زخمی ہوئے جس کے بعد ان کو جناح ہسپتال منتقل کیا گیا ۔

پولیس کے مطابق ملزمان نے موٹر سائیکل پر مفتی عبداللہ کا پیچھا کیا ، اور ان کو گھر کے قریب پہنچنے پر فائرنگ کا نشانہ بنایا، فائرنگ کے دوران گولی پستول کے چیمبر میں پھنسنے کے باعث ملزمان فائر نہیں کر سکے ۔

موقع پر موجود اہل علاقہ اور سیکیورٹی گارڈ نے ملزمان کو پکڑا، پولیس نے موقع پر پہنچ کر ملزم کو گرفتار کیا جبکہ دوسرا ساتھی فرار ہونے میں کامیاب ہوگیا ۔ پولیس نے ملزم کے پاس سے موبائل فون اور نائن ایم ایم پستول برآمد کر لی ۔ پولیس کا کہنا ہے کہ دوسرے ملزم کی گرفتاری کے لیے چھاپے مارے جا رہے ہیں ۔