fbpx

وفاق نے پنجاب حکومت سےنوازشریف کی میڈیکل رپورٹس پر ماہرانہ رائے مانگ لی

اسلام آباد: وفاق نے پنجاب حکومت سے سابق وزیراعظم نوازشریف کی میڈیکل رپورٹس پر ماہرانہ رائے مانگ لی۔

باغی ٹی وی : تفصیلات کے مطابق اس حوالے سے اٹارنی جنرل آفس کی جانب سے وفاقی کابینہ کے فیصلے کی روشنی میں پنجاب حکومت کو خط لکھا گیا ہے، جس میں کہا گیا ہے کہ لاہور ہائی کورٹ میں جمع ہونے والی رپورٹس پر متعلقہ ماہرین سے رائے لی جائے ماہرین کی رائے ملنے پر نوازشریف کی واپسی سے متعلق آئندہ لائحہ عمل اپنایا جائے گا ذرائع کا کہنا ہے کہ ماہرین نے نوازشریف کی صحت بہتر قرار دی تو سابق وزیراعظم کے معالج سے رابطہ کیا جائے گا۔

کیوں نامیڈیا کو جیلوں میں قیدیوں تک رسائی کی اجازت دی جائےتاکہ انفارمیشن سامنے آئے،اسلام آباد ہائی…

واضح رہے کہ گزشتہ روز وزیر اطلاعات فواد حسین چوہدری نے اسلام آباد میں پریس کانفرنس کرتے ہوئے کہا تھا کہ شہباز شریف کی شخصی ضمانت پر نواز شریف باہر گئے، نواز شریف کا باہر جانا مکمل فراڈ تھا، نواز شریف نے 17 ماہ سے علاج نہیں کرایا پاکستانی سفارتخانےنے 2 بارشریف فیملی سے رپورٹس سےمتعلق رابطہ کیا، شریف فیملی نےرپورٹس سفارتخانے کے ڈاکٹرزسے شیئر کرنے سے انکارکردیا –

باغی ٹی وی کی ذمہ دارانہ و جراتمندانہ رپورٹنگ کے دس سال مکمل .تحریر: طہ منیب…

فواد چوہدری نے کہا تھا کہ نواز شریف ملک سے فراڈ کے ذریعے نکلے ہیں نوازشریف کے معاملے پراٹارنی جنرل ہائیکورٹ میں درخواست دیں گےنوازشریف باہر بیٹھ کر ملک اور قانون کا مذاق آرا رہے ہیں- پنجاب حکومت نے نواز شریف کی صحت کی رپورٹس مسترد کردیں، نواز شریف کے باہر بھیجنے کے فراڈ کے ذمہ دار شہباز شریف ہیں اور شہباز شریف کی لاہور ہائی کورٹ طلبی پر درخواست دی جائے گی۔

اسلام آباد: تعلیمی اداروں کے طلباء کو منشیات سپلائی کرنے والے تین ملزمان گرفتار

دوسری جانب وزیر مملکت برائے اطلاعات ونشریات فرخ حبیب نے کہا ہے کہ اگر نواز شریف واپس نہ آئے تو شہباز شریف نااہل ہوسکتے ہیں اپنے ایک بیان میں فرخ حبیب کا کہنا تھا کہ نوازشریف کیس میں پٹیشن دائرہوئی تو دیکھیں گے نوازشریف نے اسلام آباد ہائی کورٹ سے ضمانت لی تھی،17ماہ گزرگئے نواز شریف 4 ہفتے کا کہہ کرگئےتھے برطانوی ہوم آفس نےنوازشریف کی درخواست مسترد کردی ہےبرطانیہ نوازشریف کی رپورٹ ماننے کو تیارنہیں ہےنوازشریف ہسپتالوں کی بجائےپولومیچ دیکھتےنظرآتے ہیں نوازشریف کےڈاکٹرملک عدنان واپس آگئے مگر نوازشریف نہیں آئے۔

وسیم اکرم ساحل پر گندگی پھیلانے والوں پر پھر برس پڑے

فرخ حبیب نے کہا کہ اٹارنی جنرل عدالت جانےسے متعلق پراسس مکمل کررہےہیں شہبازشریف نےبھائی کی واپسی کی گارنٹی دی تھی،اسی چیزکو بنیاد بنا کرعدالت جائیں گے، نوازشریف علاج کرارہے ہیں توثابت کرنا ہوگا۔

کورونا وبا:ملک میں اموات اور مثبت کیسز کی شرح میں اضافہ

Facebook Notice for EU! You need to login to view and post FB Comments!