والدہ مجھے ہمیشہ پاک فوج کی یونیفارم میں دیکھنا چاہتی تھیں ہمایوں سعید

0
38

پاکستان شوبز انڈسٹری کے معروف اداکار ہمایوں سعید کا کہنا ہے کہ اُن کی والدہ انہیں ہمیشہ مجھے پاک فوج کی وردی میں دیکھنا چاہتی تھیں۔

باغی ٹی وی :ہمایوں سعید نے سوشل میڈیا ویب سائٹ انسٹاگرام پر 90 کی دہائی کے شہرہ آفاق ڈرامے وِلکو کے پوسٹر کی تصویر شیئر کی اور کیپشن میں لکھا کہ میری والدہ ہمیشہ ہی مجھے پاک فوج کی وردی میں دیکھنا چاہتی تھیں اور مجھے یہ وردی پہننے کا موقع پہلی مرتبہ ڈرامہ ولکو میں ملا۔
https://www.instagram.com/p/CEzC4LkMuGu/?utm_source=ig_embed
یومِ دفاع کی مناسبت سے مسلح افواج کو خراج تحسین پیش کرتے ہوئے اداکار نے لکھا کہ ’آج کے خصوصی دن ہماری مسلح افواج کو سلام، محبت اور بہت س دعائیں جو ہماری حفاظت کے لیے اپنی جانیں قربان کرنے سے بھی نہیں گھبراتی۔

اپنی پوسٹ کے آخر میں اداکار نے لکھا کہ خدا ہمارے جوانوں کی حفاظت کرے۔

علاوہ ازیں اداکار نے سماجی رابطے کی ویب سائٹ ٹوئٹر پر اپنے پیغام میں ہمایوں سعید نے فرنٹ لائن ورکرز کی خدمات کے اعتراف میں آئی ایس پی آر کی جانب سے بنائی گئی ویڈیو شیئر کرتے ہوئے لکھا تھا کہ ہر وقت ہمارے لیے پیش پیش رہنے والے جنگجوؤں کے ہم ہمیشہ مقروض رہیں گے۔

ہمایوں سعید نے خصوصی طور پر ہیلتھ کیئر ورکرز ڈاکٹر، نرسوں اور پیرا میڈیکل اسٹاف کا شکریہ ادا کرتے ہوئے لکھا کہ عالمی وبا کے دوران ہماری صحت کا خیال رکھنے والے فرنٹ لائن کارکنان کو خراج تحسین پیش کرتے ہیں پیرا میڈیکل اسٹاف کو سلام جنہوں نے وبائی مرض کورونا سے لڑتے ہوئے دن رات ان تھک محنت کی اور ہمیں مزید مضبوط بنایا۔

واضح رہے کہ ملکو ڈرامہ پاکستان ٹیلی ویژن پر سیونتھ اسکائی انٹرٹینمنٹ اور آئی ایس پی آر کے اشتراک سے بنایا گیا تھا جس کی ہدایت احسن طالش نے دی تھی۔

ولکو کی کاسٹ میں ہمایوں سعید، عدنان صدیقی، احسن طالش، لیلیٰ زبیری، آمنہ شیخ، بینش چوہان اور عمران عباس جیسے بڑے اسٹارز شامل تھے۔

اس ڈرامے کی کہانی میں دکھایا گیا کہ فوج نہ صرف پاکستان کو دشمنوں سے بچانے کا کام کرتی ہے بلکہ وہ کس طرح قدرتی آفات سے متاثر ہونے والے افراد کی امداد کے لیے آگے آتی ہے ڈرامے کے اختتام پر ہمایوں سعید کی موت دیکھنے والوں کو افسردہ کردیتی ہے اور دکھاتی ہے کہ فوجی اہلکاروں میں قربانی دینے کا جذبہ کس قدر ہوتا ہے۔

Leave a reply