وقار ذکاء نے مروہ کے والدین سے متعلق ندا یاسر کا جھوٹ بے نقاب کر دیا

پاکستان کے نامور میزبان وقار ذکاء نے انکشاف کیا ہے کہ مروہ کی فیملی نے میڈیا کے کسی نمائندے سے رابطہ نہیں کیا تھا۔

باغی ٹی وی : گزشتہ روزمعروف میزبان ندا یاسر نے اپنے پروگرام میں زیادتی کا نشانہ بننے والی 5 سالہ بچی مروہ کے والدین کو مدعو کرنے پر معافی مانگی تھی اُنہوں نے اپنے ویڈیو پیغام میں مروہ کے والدین کو اپنے شو پر بلانے پر وضاحت دیتے ہوئے کہا تھا کہ بچی کے اہلخانہ نے ان سے خود رابطہ کیا تھا اور یہ پروگرام ریٹنگ کے لیے نہیں کیا گیا تھا۔

ندا یاسر نے اپنے ویڈیو پیغام میں کہا تھا کہ پورا شو دیکھا جائے تو آپ کو اندازہ ہوگا کہ پہلے دن ان کی ایف آئی آر بھی نہیں درج ہوئی تھی اور جب انہوں نے احتجاج کیا تو دوسرے دن ایف آئی آر درج کی گئی تھی، اس طرح کے کیسز کو جب میڈیا سپورٹ ملتی ہے تو اداروں کا کام تیز ہوجاتا ہے۔

ندا یاسر کی معافی پر وقار ذکاء نےسماجی رابطے کی ویب سائٹانسٹاگرام پر اپنی ایک ویڈیو شیئر کی جس میں اُن کا کہنا ہے کہ میزبان ندا یاسر نے اپنے ویڈیو پیغام میں غلط بیانی سے معافی مانگنے کی کوشش کی ہے۔

View this post on Instagram

Nida Yasir Lied in her Apology Exposed

A post shared by Waqar Zaka (@waqarzaka) on


وقار ذکاء نے اپنے ویڈیو پیغام میں مروہ کے والد کا بیان بھی شامل کیا جس میں مروہ کے والد نے ندا یاسر کے بیان کی تردید کرتے ہوئے کہا کہ اُنہوں نے ندا اور شو کی انتظامیہ سے کوئی رابطہ نہیں کیا تھا بلکہ انتظامیہ نے خود اُن سے رابطہ کرکے اُنہیں شو پر آنے کے لیے دعوت دی تھی۔

دوسری جانب مروہ کے تایا نے بھی شدید برہمی کا اظہار کرتے ہوئے کہا کہ مروہ کے حادثے سے پہلے اُن کا میڈیا کے کسی نمائندے سے کوئی رابطہ نہیں تھا لیکن مروہ کے حادثے کے بعد خود میڈیا والے اُن کے پاس آئے اور اُن سے رابطہ کیا۔

مروہ کے تایا نے ندا یاسر کے ایف آئی آر والے بیان کی بھی تردید کرتے ہوئے کہا کہ ندا یاسر نے جھوٹ بولا کہ اُن کے شو میں جانے کے بعد پولیس نے ایف آئی آر درج کی تھی بلکہ سچ تو یہ ہے کہ ہم نے 4 ستمبر کو ہی مروہ کی گمشدگی کی ایف آئی آر کٹوا دی تھی۔

ندا یاسر کا بیان سُننے کے بعد وقار ذکاء نے اُنہیں میزبانی چھوڑنے کا مشورہ دیتے ہوئے کہا کہ میرا آپ کو اخلاقی مشورہ یے کہ اب آپ کو پروڈیوسر بن جانا چاہیے اور اپنی جگہ کسی دوسری لڑکی کو آگے آکر میزبانی کرنے کا موقع دینا چاہیے کیونکہ اس اور اتنے بڑے جھوٹ جے بعد اب شاید ہی عوام آپ کو پسند کرے گی اور دوبارہ اسکرین پر دیکھنا چاہے گی۔

واضح رہے کہ مروہ کی فیملی کو اپنے مارننگ شو میں مدعو کرنے اور پھر اُن سے نامناسب سوالات کرنے پر سوشل میڈیا پر ندا یاسر کو شدید تنقید کا نشانہ بنایا جارہا تھا اور پاکستان کے ٹوئٹر ٹرینڈ پینل پر ہیش ٹیگ BanNidaYasir کا ٹرینڈ بھی زیر گردش رہا

سوشل میڈیا پر کچھ صارفین نے ندا یاسر کے خلاف پاکستان الیکٹرانک میڈیا ریگولیٹری اتھارٹی(پیمرا) میں شکایت بھی درج کرائی تھی۔

صارفین کا کہنا تھا کہ ندا یاسر نے یہ پروگرام محض ریٹنگ حاصل کرنے کے لیے کیا تھا بچی کے والدین کو مدعو کر کے نامناسب سوال کرنے سے اُن کے احساسات مجروح ہوئے ہیں جس جے بعد ندا یاسر نے عوام سے ہاتھ جوڑ کر معافی مانگی تھی-

زیادتی کے بعد قتل ہونے والی 5 سالہ مروہ کے والدین کو پروگرام میں مدعو کرنے پر…

مروہ کے والدین کو پروگرام میں مدعو کرنے پر سیمی راحیل چینل اور شو سے منسلک افراد پر برہم

جواب چھوڑیں

آپ کا ای میل ایڈریس شائع نہیں کیا جائے گا.