وزن بڑھنے کا طعنہ دینے پر اشنا شاہ کا صارفین کو کرارا جواب

پاکستان شوبز انڈسٹری کی نامور اداکارہ اشنا شاہ کی حال ہی میں انسٹاگرام پر شئیر کی گئی تصاویر پرپر صارفین نےجہاں ان کی خوبصورتی اور جسامت کی تعریف کی، وہیں بعض افراد نے انہیں دوبارہ وزن بڑھ جانے کا طعنہ بھی دیا۔

باغی ٹی وی : اداکارہ اشنا شاہ نے حال ہی میں سماجی رابطے کی ویب سائٹ انسٹاگرام پر ورزش اور اسپورٹس ڈریسنگ میں تصویر شیئر کی جس میں انہیں مسکراتے ہوئے دیکھا جا سکتا ہے۔

اداکارہ کی جانب سے اسپورٹس ڈریس میں شئیر کی گئیں تصاویر پر کئی صارفین نے اداکارہ کے اسٹائل، جسامت اور جسمانی خدوخال کو بالی وڈ اداکارہ سارہ علی خان کے مشابہہ قرار دیا۔

بعض مداحوں نے انہیں پہلے سے زیادہ خوبصورت اور صحت مند قرار دیتے ہوئے ان کی تعریفیں بھی کیں، تاہم بعض مداحوں نے اداکارہ کی تصویر پر کمنٹ کیے کہ ان کا وزن پھر سے بڑھ رہا ہے۔

اداکارہ نے وزن بڑھ جانے کے طعنے دینے والے افراد کو پوسٹ پر کرارے جوابات دیتے اور ان پر واضح کیا کہ وہ سماجی دباؤ کے تحت اپنی جسامت تبدیل نہیں کریں گی۔

اداکارہ نے ایک خاتون مداح کو جواب دیتے ہوئے ان کا شکریہ ادا کیا اور ساتھ ہی انہیں بتایا کہ وہ اپنی مرضی کے مطابق زندگی گزارتی ہیں اور جب انہیں احساس ہوگا کہ ان کا وزن بڑھ گیا ہے تو وہ خود ہی اسے کم کردیں گی۔

اداکارہ نے لکھا کہ بطور اداکارہ بعض اوقات وہ اپنا وزن کردار کے مطابق بڑھا دیتی ہیں اور بعض مرتبہ انہیں کردار کے لیے اپنے جسمانی خدوخال ایک ایتھلیٹ کی طرح کرنے پڑتے ہیں۔

اشنا شاہ کے لکھا کہ اب وہ پہلے کی طرح 21 سال کی لڑکی نہیں رہیں بلکہ اب وہ ایک خاتون بن چکی ہیں۔

اداکارہ نے لکھا کہ قدرتی طور پر ان کی پرکشش جسامت ہے اور وہ بڑھتی عمر کے ساتھ ہر طرح کے کھانے بھی کھا رہی ہیں، تاہم وہ سماجی دباؤ میں آکر اپنا وزن کم نہیں کریں گی اور جب انہیں احساس ہوگا کہ ان کا وزن بڑھ چکا ہے تو وہ خود ہی اسے کم کردیں گی۔

اشنا شاہ نے لکھا کہ وہ لوگوں اور معاشرے کی جانب سے خوبصورتی کے لیے بنائے گئے معیارات کے مطابق نہیں بلکہ اپنی پسند اور اپنے طے کیے گئے اصولوں کے مطابق زندگی گزاریں گی۔

اشنیٰ شاہ نے لکھا کہ انہوں نے صحت مند جسامت اور خوبصورت کے لیے اپنے پیمانے خود ہی تیار کیے ہیں اور وہ ان پر چلتی رہیں گی، انہیں سماجی پیمانوں کی ضرورت نہیں۔

اداکارہ نے دوبارہ گزشتہ روز 9 جنوری کو اسی لباس و انداز میں دوبارہ بھی تصاویر شیئر کیں-

اداکارہ کی نئی تصاویر پر بھی لوگوں نے کمنٹس کرتے ہوئے انہیں بتایا کہ وہ پہلے سے زیادہ پرکشش نظر آ رہی ہیں۔

غلط انسان سے شادی کرنے سے بہتر ہے کہ آپ تنہا رہیں اورخوش رہیں نوین وقار

بچوں کے استحصال اور انسانی اسمگلنگ پرمبنی ڈرامہ ‘دل نا امید تو نہیں’…

سانحہ مچھ: شرمین عبید چنائے کی وزیراعظم کے دیئے گئے بیان پر شدید تنقید

سرچ انجن گوگل نے ماہرہ خان کو زارا نور عباس کی والدہ بنا دیا

جواب چھوڑیں

آپ کا ای میل ایڈریس شائع نہیں کیا جائے گا.