وزیر ہائر ایجوکیشن راجہ یاسر ہمایوں سرفراز کی زیر صدارت کانفرنس، تعلیمی ڈھانچے بارے اہم فیصلے

وزیر ہائر ایجوکیشن راجہ یاسر ہمایوں سرفراز کی زیر صدارت کانفرنس، تعلیمی ڈھانچے بارے اہم فیصلے

باغی ٹی وی وزیر ہائر ایجوکیشن راجہ یاسر ہمایوں سرفراز کی زیر صدارت یو ای ٹی میں وی سی کانفرنس کا انعقاد ہوا. کانفرنس میں پنجاب کی تمام سرکاری جامعات کے وائس چانسلرز نے شرکت کی .کانفرنس کا مقصد ہائر ایجوکیشن میں اصلاحات کے حوالے سے تبادلہ خیال کرنا ہے۔

کانفرنس میں کمیونیٹی کالجز کے قیام اور ایسوسی ایٹ ڈگری کے نفاذ بارے تبادلہ خیال کیا گیا .دو سالہ ایسوسی ایٹ ڈگری کروانے والے کالجز کو کمیونیٹی کالجز میں تبدیل کیا گیا ہے، دو سالہ ڈگری کروانے والے کالجز کا صرف نام بدلہ گیا ہے سٹرکچر میں کوئی تبدیلی نہیں آئی، کمیونیٹی کالجز کو نجی شعبہ کے حوالے کرنے کا کوئی منصوبہ نہیں،کمیونیٹی کالجز میں پہلے سے موجود اساتذہ ہی پڑھائیں گے، کالج میں اساتذہ ہائر ایجوکیشن ڈپارٹمنٹ تعینات کرے گا جبکہ فیس بھی ڈپارٹمنٹ ہی طے کرے گا،

صوبائی وزیر نے کہا کہ چار سالہ بی ایس پروگرام پڑھانے والے کالجز گریجوایٹ کالجز ہیں، کالج کا صرف یونیورسٹی سے الحاق ہو گا انتظامی امور ڈپارٹمنٹ دیکھے گا، یونیورسٹی کی ذمہ داری ہو گی کہ الحاق شدہ کالج میں معیار تعلیم بہتر کرے، اساتذہ ہائر ایجوکیشن ڈپارٹمنٹ کے ملازم ہی رہیں گے،
انہوں نے کہا کہ کمیونیٹی کالجز میں 150 ایسوسی ایٹ ڈگری پروگرامز متعارف کر وائے جا رہے ہیں، ایسی ایٹ ڈگری میں جاب مارکیٹ کی ضرورت کے مطابق مضامین پڑھائے جا رہے ہیں.ایسو سی ایٹ ڈگری حاصل کرنے کے بعد طلباء چار سالہ بی ایس پروگرام میں داخلہ لے سکیں گے، راجہ یاسرکریڈ آور ٹرانسفر کرنے کا میکنزم یونیورسٹیز اپنے مطابق متعین کریں گی،

کالجز میں مکمل طور پر سمسٹر سسٹم کے نفاذ کے بعد یونیورسٹی کی جانب سے مانیٹرنگ بہتر کرنا ہو گی،
کالجز ڈویزن اور ڈسٹرکٹ میں موجود سرکاری یونیورسٹی سے ہی الحاق کر سکیں گے تاکہ مناسب مانیٹرنگ کی جاسکے، کمیونیٹی کالج کو گریجو ایٹ کالج میں بھی اپ گریڈ کیا جا سکے گا، ہر ضلع میں کم از کم دو گریجوایٹ کالجز کے قیام کا منصوبہ ہے،

جواب چھوڑیں

آپ کا ای میل ایڈریس شائع نہیں کیا جائے گا.