وزیر تعلیم و محنت سندھ سعید غنی سے گجرنالہ متاثرین کے وفد کی ملاقات

وزیر تعلیم و محنت سندھ سعید غنی سے گجرنالہ متاثرین کے وفد کی ملاقات۔

وفد میں ارم یاسمین، عابد اصغر، ایڈوکیٹ خواجہ محمد الطاف، اسد اللہ خان، شمس شاہ، ہیمو علی، ارسلان اورنگی، محمد منیر، خرم علی و دیگر شامل تھے۔

اس موقع پر ڈپٹی کمشنر سینٹرل ایم بی دھاریجو بھی موجود تھے۔

ملاقات میں متاثرین نے گجرنالہ پر آپریشن کے باعث ان کے سینکڑوں مکانات منہدم ہونے اور اس کے نتیجہ میں ان کے ہزاروں افراد کھلے آسمان تلے آجائے کے حوالے سے صوبائی وزیر کو تفصیلات بتائیں۔

سندھ حکومت کی بھرپور کوشش ہوگی کہ متاثرین کی مستقل بحالی کے لئے فوری اقدامات کرے اور ان متاثرین کو معاوضہ ادا کیا جاسکے۔
ہماری کوشش ہوگی کہ کم سے کم گھروں کو توڑا جائے اور جو گھر نالہ کو متاثر نہیں کرتے انہیں منہدم ہونے سے بچایا جاسکے۔

سعید غنی نے مزید کہا کہ میں اس حوالے سے وزیر اعلٰی سندھ اور سندھ کابینہ میں اس معاملہ کو رکھوں گا اور کوشش ہوگی کہ متاثرین کی مستقل بحالی ممکن ہوسکے۔