fbpx

وزیراعلیٰ سندھ سے کرکٹ بورڈ کے چیئرمین کی ملاقات

وزیراعلیٰ سندھ سید مراد علی شاہ سے کرکٹ بورڈ کے چیئرمین رمیز راجہ کی ملاقات ہوئی جس میں وزیراعلیٰ سندھ نے رمیز راجہ کو شیلڈ، اجرک اور سندھی ٹوپی پیش کی۔

ملاقات میں جاوید قریشی ممبر بورڈ آف گورنرس بھی شریک ہوئے۔ ملاقات میں کراچی اسٹیڈیم کی اپ گریڈیشن، کرکٹ کو پروموٹ کرنا اور دیگر معاملات پر بات چچیت ہوئی۔

اسٹیڈیم کے میچز کی سکیورٹی کو بہتر کرنا ہے تاکہ عوام کو تکلیف نہ ہو، وزیراعلیٰ سندھ سید مراد علی شاہ نے کہا سڑکوں کو بند کرنے والا طریقہ کار کرنا ہوگا۔

*سندھ پیکچ*

سندھ میں کرکٹ کے بہترین کھلاڑی ہیں، رمیز راجہ کا کہنا تھا کہ حیدرآباد سے زاہد حسین، لاڑکانہ سے شاہنواز ڈاھانی اور دیگر علاقوں سے اچھے کھلاڑی ہیں۔

وزیراعلیٰ سندھ سید مراد علی شاہ کہتے ہیں حیدرآباد میں کرکٹ کو بحال کرنا چاہتا ہوں، حیدرآباد کا اسٹیڈیم تو بہترین ہے صرف ہوٹل کا مسئلہ ہے، ہم اب منصوبہ بنا رہے ہیں کہ کھلاڑیوں کو بائی ایئر لیکر جائیں،یہ منصوبہ پی سی بی سے فائنل کرینگے، جب کرکٹ حیدرآباد لے جائینگے تو مزید ٹیلنٹ آگے آئے گا۔

سکھر میں ہم اسپورٹس کامپلیکس بنا رہے ہیں، سکھر کے کامپلیکس میں 2 کرکٹ گراؤنڈز، فوٹبال اور دیگر گراؤنڈٖ ہونگے،پی سی بی کی ٹیکنیکل ٹیم سکھر اسپورٹس کامپلیکس کا دورہ کرے،ہم پی سی بی کی رہنمائی میں سکھر گراؤنڈ بہتر کرینگے۔

رمیز راجہ نے وزیراعلیٰ سندھ کو پی سی بی کی طرف سے ہر طرح کی سپورٹ دینے کی یقین دہانی کرائی ہم سندھ میں مزید ٹیلنٹ تلاش کرینگے۔

وزیراعلیٰ سندھ سید مراد علی شاہ ہم سندھ کی ٹیم کواسپونسر کرنے کیلئے تیار ہیں۔ سندھ کے دیہی علاقوں میں کرکٹ پروموٹ کرینگے۔

Facebook Notice for EU! You need to login to view and post FB Comments!