این اے 245 کا ضمنی الیکشن ہم باآسانی جیت جائیں گے:عمران خان کا دعویٰ

کراچی:این اے 245 کا ضمنی الیکشن ہم باآسانی جیت جائیں گے ،اطلاعات کے مطابق چیئرمین پاکستان تحریک انصاف عمران خان نے ووٹنگ کا وقت ختم ہونے سے پہلے ہی کراچی سے قومی اسمبلی کے حلقے این اے 245 میں ہونے والا ضمنی الیکشن جیتنے کا دعویٰ کر دیا۔

کراچی سے قومی اسمبلی کے حلقے اين اے 245 ميں ضمنی اليکشن آج بروز اتوار 21 اگست کو ہو رہا ہے، جس کیلئے پولنگ کے وقت کا آغاز ہوگيا، جو بغیر کسی وقفے کے شام 5 بجے تک جاری رہے گی۔

ترکی میں دو مختلف حادثات میں 35 افراد ہلاک

ایک طرف پاک سرزمین پارٹی کے رہنما سید مصطفیٰ کمال یہ دعویٰ کررہے ہیں کہ وہ یہ الیکشن جیت جائیں گے اس حوالے سے وہ بیان بھی دے چکے ہیں ، دوسری طرف اب عمران خان نے سوشل میڈیا پر جاری بیان میں کہا کہ ہم این اے 245 کراچی کا الیکشن جیت رہے ہیں،

سابق وزیراعظم عمران خان نے یہ بھی دعویٰ کیاہے کہ کراچی کے حلقہ این 245 کے تمام پولنگ اسٹیشنزہمارے ووٹرز سے بھرے ہوئے ہیں اوروہ اپنا ووٹ کاسٹ ضرور کریں گے

این اے 245 :پی ٹی آئی رہنما فردوس شمیم نقوی کومنہ کی کھانی پڑی

اس کے ساتھ ساتھ چیئرمین تحریک انصاف نے اپنے ووٹرز سے درخواست بھی کی کہ اگر آپ نے ووٹ کاسٹ نہیں کیا تو فوری طور پر جاکر اپناووٹ ڈالیں۔ انہوں نے تاکید کی کہ کوئی بھی ووٹربغیرووٹ کاسٹ کرنے کے نہ جائے

We are on our way to winning Karachi NA 245 election. Our camps are full of voters while opposition camps are empty. I am asking all our voters to go immediately to vote if they haven't already done so.

— Imran Khan (@ImranKhanPTI) August 21, 2022

ايم کيوايم، پی ٹی آئی، پی ایس پی، ٹی ایل پی اور فاروق ستار سميت پندرہ اميدواروں ميں سخت مقابلہ متوقع ہے۔ ضمنی انتخاب میں 8 آزاد امیدوار بھی حصہ لے رہے ہیں، جس میں فاروق ستار بھی شامل ہیں۔

واضح رہے کہ یہ نشست پاکستان تحریک انصاف ( پی ٹی آئی) کے رہنما ڈاکٹر عامر لياقت کے انتقال کے باعث خالی ہوئی تھی۔

اس حلقے میں اہم امیدواروں میں پاکستان تحریک انصاف ( پی ٹی آئی ) کے محمود مولوی، متحدہ قومی موؤمنٹ ( ايم کيو ايم ) پاکستان کے معيد انور، تحريک لبيک پاکستان ( ٹی ایل پی ) کے احمد رضا اور فاروق ستار آزاد امیدوار شامل ہیں