fbpx

عوام کےساتھ تاریخی ظلم ہو رہا ہے،پنجاب کوسندھ کی طرح ترقی یافتہ بنائیں‌گے: بلاول

لیہ:پنجاب کےعوام کےساتھ تاریخی ظلم ہو رہا ہے،سندھ کی طرح ترقی یافتہ بنائیں‌گے،اطلاعات کے مطابق پاکستان پیپلز پارٹی کے چیئر مین بلاول بھٹو نے کروڑ لعل یسین میں ورکرزکنونشن سے خطاب کرتے ہوئے کہا ہے کہ میدان چھوڑ کر وزیراعظم عمران خان کو فری ہینڈ دینے والے دوست بھی ہماری سرگرمیوں سے خوش نہیں۔

ذرائع کے مطابق کروڑ لعل عیسن کے ورکرز کنونشن میں بہادر خان سیہڑ باضابطہ طور پر پاکستان پیپلزپارٹی کا حصہ بن گئے، بہادر خان سیہڑ دو مرتبہ رکن قومی اسمبلی منتخب ہوئے، وفاقی کابینہ میں وزیر بھی رہے۔

ادھرذرائع کے مطابق بعد میں ورکرز کنونشن سے خطاب کرتے ہوئے پاکستان پیپلز پارٹی کے چیئر مین بلاول بھٹو کا کہنا تھا کہ لیہ کے جیالوں نے دل جیت لیے، پیپلزپارٹی عوامی خدمت پر یقین رکھتی ہے، پیپلزپارٹی نے کسانوں اور مزدوروں کو حقوق دلوائے، غریب کے منشور پر مل کر عمل کریں گے،

اپنے خطاب میں ان کا کہنا تھا کہ جیالے پنجاب کےعوام کو لاوارث نہیں چھوڑسکتے، پنجاب کےعوام کےساتھ تاریخی ظلم ہو رہا ہے، ہمارے دوست میدان چھوڑ چکے ہیں، ہمارے اتحادیوں نے پنجاب میں عمران خان کو فری ہینڈ دیا ہے۔

بلاول بھٹو کا کہنا تھا کہ عوام تاریخی مہنگائی، غربت اور بیروزگاری کا مقابلہ کررہی ہے، ہر روز ایک نیا معاشی بم پھٹتا ہے، کبھی بجلی تو کبھی گیس تو کبھی پٹرول کی قیمت میں اضافہ ہو رہا ہے،

ان کاکہنا تھا کہ بینظیربارے مشہورتھا ان کی حکومت آئے گی توروزگارلائے گی۔ قائد عوام نے مزدوروں کوملوں کا مالک بنادیا تھا۔ پنجاب کے بزرگ بھٹو کی حکومت کو یاد کرتے ہیں۔ آصف زرداری حکومت میں محنت کش، مزدوروں کا راج تھا، پیپلز پارٹی کے دور حکومت میں تنخواہوں اور پنشن میں اضافہ کیا گیا۔

چیئر مین پی پی کا کہنا تھا کہ صوبے میں ایک سازش کے تحت پنجاب کوعوامی حکومت سے محروم رکھا گیا۔ جیالے ساتھ دیں ہم نے سلیکٹڈ کو گھر بھیجنا ہے