fbpx

ویمن کرکٹ سیریز کیلئے بھارت کا انکار ، پی سی بی نے اہم قدم اٹھا لیا

ویمن کرکٹ سیریز کیلئے بھارت نے پاکستان کے ساتھ کھیلنے سے انکارکر دیا۔ رابطہ کرنے کے باوجود بھی جواب دینا گوارہ نہیں کیا۔پاکستان کرکٹ بورڈ نے اہم قدم اٹھاتے ہوئے آئی سی سی کو شکایت کر دی۔
تفصیلات کے مطابق بھارت کی مودی حکومت کھیل کے میدان میں بھی سیاست کو گھسیٹ رہی ہے اور اس کی ہٹ دھرمی جاری ہے.۔ پاک بھارت خواتین کرکٹ سیریز کے لیے انکار کر دیا اور پی سی بی کے رابطہ کرنے پربھی جواب نہ دینے پر پاکستان کرکٹ بورڈ نے آئی سی سی کو شکایت کر دی۔

آئی سی سی کی ٹیکنیکل کمیٹی تمام ترریکارڈکے ساتھ بھیجی گئی درخواست میں لکھا گیا ہے کہ خواتین سیریز کےلیے بھارتی بورڈ سے متعدد بار رابطہ کیا۔

بھارتی بورڈ نے پاکستان کی کسی ای میل کاجواب نہیں دیا، پاک بھارت ون ڈے سیریز رواں برس جولائی سے اکتوبر کے درمیان کھیلی جانی تھی، سیریز کی ٹاپ 4 ٹیمیں ورلڈکپ 2021ء کے لیے براہ راست کوالیفائی کریں گی۔ بھارت کی انتہا پسند حکومت اب کھیل کے میدانوں میں نمایاں نظر آرہی ہے.