ویسٹ ایشیا بیس بال کپ میں پاکستان نے سلور میڈل جیت لیا

ویسٹ ایشیا بیس بال کپ سری لنکا نے ایک رن سے فتح کر لیا۔ ویسٹ ایشیا بیس بال کپ میں سری لنکا نے پہلی، پاکستان نے دوسری، بھارت نے تیسری، ایران نے چوتھی، بنگلہ دیش نے پانچویں اور نیپال نے چھٹی پوزیشن اپنے نام کی.

پاکستان فیڈریشن بیس بال کے صدرسید فخر علی شاہ نے فائنل کے بعد خطاب کرتے ہوئے کہا کہ سری لنکا نے ان کے ہوم گراؤنڈ اور ہوم کراؤڈ کے سامنے بہت اچھا کھیل پیش کیا اور پہلی پوزیشن حاصل کی. تاہم پاکستان نے بھی اچھے کھیل کا مضاہرہ کیا. ٹورنامنٹ کی 8 اننگز میں قومی ٹیم نے شاندار کھیل کھیلا تاہم پہلی اننگ میں بن جانے والے 3 رنز فتح کی راہ میں رکاوٹ بنے جبکہ سری لنکا کے ڈیپ فیلڈرز کے 3 ناقابل یقین کیچز نے بھی فرق پیدا کیا۔ پاکستان کی جانب سے فضل الرحمن، ارسلان جمشید، فقیر حسین، اور سمیر زوار نے 1،1 رن اسکور کیا۔

ہیڈ کوچ مصدق حنیف نے کہا کہ فائنل بہت دلچسب رہا اور دیکھنے میں مزہ آیا. ہماری ٹیم نے اچھا کھیل پیش کیا تاہم سری لنکا نے مارکہ مار لیا. ہماری ٹیم کو صرف دس دن کیمپ لگانے کا موقع دیا گیا اور سری لنکا کی ٹیم گزشتہ 6 ماہ سے دوسالہ کوچنگ پلان کے تحت کیمپ کررہی ہے۔ انہوں نے مزید کہا کہ اپنی ٹیم کی کارکردگی سے مطمئن ہوں اور ایک آدھ شعبے میں موجود کمی کو پورا کرکے اولمپک کوالیفائنگ راؤنڈ میں شرکت کرینگے۔

جواب چھوڑیں

آپ کا ای میل ایڈریس شائع نہیں کیا جائے گا.