وہاب ریاض بھی چھوڑ گئے ، مداح غم میں ڈوب گئے

لاہور : پی سی بی کے اعلان کے مطابق فاسٹ باؤلر وہاب ریاض قائد اعظم کے سیزن کے آغاز سے قبل ہی ایونٹ سے دستبردار ہونے کا اعلان کرتے ہوئے طویل دورانیے کی کرکٹ سے غیرمعینہ مدت تک کے لیے وقفہ لے لیا ہے۔

After a lot of thinking and discussions with my family and board, I have decided to take a break from red-ball cricket and maintain my fitness and focus on the shorter format for my country. It was a tough decision and I appreciate my Board’s support and guidance during this time

— Wahab Riaz (@WahabViki) September 12, 2019

وہاب ریاض نے کہا کہ ریڈ بال اور محدود اوورز کی کرکٹ میں اپنی گزشتہ دو سال کی کارکردگی کا جائزہ لینے کے بعد میں نے فرسٹ کلاس کرکٹ سے وقفہ لینے کا فیصلہ کیا ہے۔

اپنے بیان میں وہاب ریاض نے کہا کہ اس عرصے کے دوران میں محدود اوورز کی کرکٹ پر توجہ دوں گا اور کھیل کے سب سے طویل فارمیٹ کے لیے اپنی فٹنس کا جائزہ لیتا رہوں گا اور جب مجھے لگے گا کہ میں ریڈ بال کرکٹ میں اچھی کارکردگی دکھا سکتا ہوں تو میں اپنی دستیابی ظاہر کردوں گا۔