fbpx

سال 2021 کا بجٹ کیسا ہوگا:دلچسپ تفصیلات آنا شروع ہوگئیں‌

اسلام آباد:سال 2021 کا بجٹ کیسا ہوگا:دلچسپ تفصیلات آنا شروع ہوگئیں‌،اطلاعات کے مطابق سال 2021 کے بجٹ کے حوالے سے جہاں ہرکوئی تجسس میں ہے وہاں‌ اس بجٹ کے مرکزی خدوخال کی تفصیلات منظرعام پرآنی شروع ہوگئی ہیں ،

اس حوالے سے ملنے والی تفصیلات میں بتایا گیا ہے کہ ایکسپورٹ 25ارب 70کروڑ ڈالر اور امپورٹ 51 ارب 40 کروڑ ڈالر کا ہدف مقررکیا گیا ہے جبکہ بجٹ خسارے کے لیے ہدف 6 فیصد مقرر کیا گیا ہے،

یہ بھی معلوم ہوا ہے تمام تراقدامات کے باوجود مہنگائی کی شرح 8 فیصد تک کی جائیگی،آئندہ مالی سال میں معاشی ترقی کا ہدف 4.2فیصد مقرر کیا گیا ہے،

آئندہ مالی سال کے بجٹ میں گرانٹس کی مد میں 994ارب روپےمختص ہوں گے،سول حکومت کے اخراجات کے لیے 510ارب روپے مختص ہونگے،جبکہ سبسڈی 530ارب اور ترقیاتی بجٹ کے لیے 900ارب روپے مختص کیے جاسکتے ہیں،

بجٹ میں پنشن کے لیے 480 ارب روپے مختص کیے جاسکتے ہیں‌ جبکہ دفاعی بجٹ میں اضافہ کرکے 1330ارب روپے مختص کیے جاسکتے ہیں،

بجٹ میں قرضوں پر سود کی ادائیگی کےلیے 3ہزار 105ارب روپے مختص کیے جائینگے،این ایف سی شیئر نکالے جانے کے بعد وفاق کے پاس 4 ہزار 462ارب روپے بچیں گے،

صوبوں کو این ایف سی ایوارڈ کے تحت 3 ہزار 527 ارب روپے جاری ہوسکتے ہیں،آئندہ مالی سال میں قرضے جی ڈی پی کی 3.84 شرح تک پہنچ جائیں گے،

آئندہ مالی سال کا بجٹ 3 ہزار 154ارب روپے کے خسارے کا بجٹ ہوسکتا ہے،آئندہ مالی سال میں بجٹ کا کل حجم 8 ہزار ارب روپے سے زیادہ کا ہوگا،

جواب چھوڑیں

آپ کا ای میل ایڈریس شائع نہیں کیا جائے گا.