عمران خان نے اپنی تقریرمیں بھیڑبکریاں کس کو کہہ دیا:ہرکوئی اپنی فکرکرنے لگا

لاہور:سابق وزیراعظم اور چیئرمین تحریکِ انصاف عمران خان نے اہل پاکستان کا عجیب انداز سے دفاع کیا اور باتوں باتوں میں ان کو بھیڑبکریوں سے سوالیہ انداز سے تشبہیہ دے گئے ، عمران خان نے کہا ہے کہ پیغام دینا چاہتا ہوں کہ ہم انسان ہیں بھیڑ بکریاں نہیں ہیں۔ بھیڑ بکریاں غلام ہوتے ہیں، انسان صرف اللہ کی غلامی کرتا ہے۔میں اپنی قوم کوان ظالموں کے ہاتھوں رسوا نہیں ہونے دوں گا

تحریکِ انصاف کے آزادی مارچ کے دوسرے روز خطاب میں سربراہ پی ٹی آئی عمران خان نے کہا کہ کسی بھی غلام کی پرواز اونچی نہیں ہوتی۔ آپ کو پتا ہونا چاہیے کہ ستر سال کی عمر میں سڑکوں پر کیوں نکلا ہوں۔ میں چاہتا ہوں عوام کو پتا چلے کہ آزادی کیا ہوتی ہے۔

عمران خان نے کہا کہ مجھے کسی چیز کی کمی نہیں اللہ نے سب عطا کیا ہے۔ چاہتا ہوں کہ نوجوانوں کی تربیت ہو تاکہ انھیں پتا چلے کہ آزادی کیا ہوتی ہے۔ میڈیا چینلز کو دھمکیاں دی جا رہی ہیں، جو ملک میں ظلم ہو رہا ہے کیا ان کو نظر نہیں آتا۔

پاکستان تحریک انصاف کے چیئرمین عمران خان نے کہا ہے کہ چیف جسٹس صاحب ہمارے بنیادی حقوق کی حفاظت نہیں کریں گے تو کون کرے گا

لانگ مارچ کے شرکا سے خطاب کے دوران عمران خان نے کہا کہ میں 70 سال کی عمر میں سڑکوں پر نکلا ہوں ، میرا مولا مجھے سب کچھ دے چکا ہے۔ بھیڑ بکریاں غلام ہوتی ہیں، انسان صرف اللہ کی غلامی کرتا ہے۔

عمران خان نے کہا کہ اعظم سواتی کو نامعلوم افراد کے حوالے کیا گیا، جن کے نام اعظم سواتی کے نام لئے ہیں ، یہ 2 لوگ جب سے اسلام آباد میں آئے ہیں تب سے ظلم کیا جارہا ہے۔ میرا ان کو پیغام ہے ہم انسان ہیں بھیڑ بکریاں نہیں کہ جو کہیں کہ مان لیں گے۔ پہلے نواز شریف اور زرداری چور تھے لیکن اب یہ چور نہیں۔

ڈی جی آئی ایس آئی کو مخاطب کرتے ہوئے سابق وزیر اعظم نے کہا کہ غیر سیاسی پریس کانفرنس میں صرف عمران خان کو نشانہ نہیں بناتے، آپ کو 1100 ارب روپے کا ڈاکا مارنے والے چور نظر نہیں آرہے۔

عمران خان نے اداروں پرگولہ باری جاری رکھتے ہوئے کہا کہ کون تھا جو ارشد شریف کو دھمکیاں دیتا تھا، ان کی والدہ کو پوچھیں وہ بتائیں گی، پریس کانفرنس میں کہا گیا کہ ہمیں تو پتہ ہی نہیں کہ ارشد شریف بیرون ملک کیوں گیا، سب کو پتہ ہے کہ اس کو کون دھمکیاں دے رہا تھا۔