نیوزی لینڈ نے بھارتیوں کے داخلے پرپابندی کیوں لگائی؟اہم وجہ سامنے آگئی

0
25

ویلنگٹن: نیوزی لینڈ نے بھارتیوں کے داخلے پرپابندی کیوں لگائی؟اہم وجہ سامنے آگئی ،اطلاعات کے مطابق کورونا وائرس کے بڑھتے کیسز کی وجہ سے نیوزی لینڈ نے بھارت سے آنے والے مسافروں کے ملک میں داخلے پر پابندی لگادی۔

بھارت میں کورونا وائرس کے بڑھتے کیسز کی وجہ سے نیوزی لینڈ نے بھارت سے آنے والے تمام مسافروں بشمول اپنے شہریوں کے ملک میں داخلے پر 2 ہفتوں کے لیے پابندی لگادی ہے، یہ اقدام نیوزی لینڈ میں کورونا کے 23 کیسز سامنے آنے کے بعد آیا جن میں سے 17 مریضوں کا تعلق بھارت سے ہے۔

نیوزی لینڈ کی وزیراعظم جیسنڈا آرڈرن نے ایک نیوز کانفرنس میں کہا کہ عارضی طور پر بھارت سے آنے والے مسافروں کے نیوزی لینڈ میں داخلے پر پابندی لگائی ہے جو 11 اپریل سے 28 اپریل تک عائد رہے گی۔

واضح رہے کہ بھارت میں کورونا وائرس کے کیسز میں تیزی سے اضافہ دیکھنے میں آرہا ہے جب کہ گزشتہ 3 دنوں سے روزانہ تقریباً 10 ہزار سے زائد کیسز رپورٹ ہورہے ہیں۔ دوسری جانب نیوزی لینڈ نے ملک سے کورونا وائرس ختم ہونے کا اعلان کیا ہے اور گزشتہ 40 دنوں میں مقامی طور پر کورونا کا ایک بھی کیس سامنے نہیں آیا۔

Leave a reply