پسند کی شادی کیوں کی؟جوڑے کوبے دردی سے قتل کردیا گیا

نواب شاہ :پسند کی شادی کیوں کی؟جوڑے کوبے دردی سے قتل کردیا گیا ،اطلاعات کے مطابق نواب شاہ کے علاقے بلال کالونی میں مسلح افراد نے گھر میں گھس کر پسند کی شادی کرنے والے جوڑے کو موت کی نیند سلادیا۔

پولیس کے مطابق بلال کالونی باندھی میں کرائے کے گھر میں رہائش پذیر خاتون اوراس کے شوہرسکندر شاہ کو گھر میں گھس کر نامعلوم افراد نے کلہاڑی کے وار کرکے قتل کردیا اور فرار ہوگئے۔

پولیس کا کہنا ہے کہ مقتولین نے دوسال قبل پسند کی شادی کی تھی۔ اطلاع پر پولیس نے لاشوں کو اسپتال منتقل کردیا ہے اور ملزمان کی تلاش کے لیے چھاپے مارے جارہے ہیں۔