وفاقی حکومت نے عید پر ایک دو نہیں بلکہ کتنی چھٹیاں دینے کا فیصلہ کر لیا؟

0
30

وفاقی حکومت نے عید پر ایک دو نہیں بلکہ کتنی چھٹیاں دینے کا فیصلہ کر لیا؟

باغی ٹی وی کی رپورٹ کے مطابق وفاقی وزیراسدعمر کی زیرصدارت اجلاس ہوا، اجلاس میں عیدالفطر پر 9 چھٹیاں دینےپر اتفاق ہواہے، 23مئی سے 31مئی تک عیدالفطر کی چھٹیاں دینےپراتفاق کیا گیا ہے۔

تفصیلات کے مطابق وفاقی وزیر منصوبہ بندی اسدعمر کی زیرصدارت اجلاس ہوا، اجلاس میں عیدالفطر پر 9 چھٹیاں دینےپر اتفاق ہواہے، 23مئی سے 31مئی تک عیدالفطر کی چھٹیاں دینےپراتفاق کیا گیا ہے۔ چاروں صوبوں کےچیف سیکرٹریزنے 9چھٹیاں دینےکی تجویز پر اتفاق کیا اور عید کی چھٹیوں کاحتمی نوٹیفکیشن وفاقی حکومت جاری کرے گی۔پنجاب حکومت کا کہنا ہے کہ وفاق کےفیصلےکے مطابق عید کی چھٹیاں دیں گے۔

وفاقی وزیر منصوبہ بندی اسدعمر کا قومی اسمبلی میں اظہار خیال کرتے ہوئے ان کا کہنا تھا کہ کہ ہم نے لوگوں کو معاشی بدحالی اور کرونا وائرس سے بچانا ہے، ہوسکتا ہے مئی کے آخر اور جون میں کیسز اور اموات زیادہ ہوں، ایک رائے تھی چھ ہفتے سب بند کردیتے اگر چھ ہفتے لاک ڈاؤن موثر ہوتا تو دیگر ممالک میں وائرس ختم ہوچکا ہوتا، حکومت نے مستحقین میں سوارب روپے تقسیم کئے۔

دوسری جانب محکمہ موسمیات نے ماہ شوال کے چاند کی پیش گوئی کردی ہے، 1441ہجری شوال کا چاند 22مئی 10 بج کر 40 منٹ پر پیدا ہونا شروع ہو گا، 29 رمضان یعنی 23 مئی کو چاند نظر آنے کے امکانات کم ہیں، 30 رمضان 24 مئی کو چاند نظر آنے کے قوی امکانات ہیں۔

محکمہ موسمیات کا کہنا ہے کہ ملک کے بیشتر حصوں میں اس دوران مطلع جزوی طور پر ابر الود رہنے کا امکان ہے ،پہلی شوال 25مئی 2020 کو ہونے کا امکان ہے۔

شہر میں نماز عید کے تمام اجتماعات مساجد کی بجائے کھلے میدان میں ہی کروانے کی تجویز حکومت کو دی گئی ہے، تاہم عید کے اجتماعات کی پالیسی طے کرنے کے لئے کابینہ کمیٹی کے خصوصی اجلاس منعقد کیا جارہا ہے، اجلاس مین عید کے اجتماعات کے حوالے سے حکمت عملی طے کی جائے گی اور علماء اکرام کی جانب سے حکومت کو آگاہ کردیا گیا ہے کہ نماز عید کے اجتماعات ہر صورت منعقد کیے جائیں گے اور اس میں رکاوٹ برداشت نہیں کی جائے گی۔

Leave a reply