وفاقی سیکرٹری تعلیم کے خلاف چیف الیکشن کمشنر کو درخواست

این اے 46 کے امیدوار شبیر بابر نے وفاقی سیکرٹری تعلیم وسیم اجمل چوہدری کے خلاف چیف الیکشن کمشنر کو درخواست دے دی

درخواست میں کہا گیا ہے کہ فیڈرل کیپٹل کے تین حلقوں میں 17 ہزار سے زائد وفاقی نظامت تعلیمات کا عملہ الیکشن کے عمل میں حصہ لے گا ،محکمہ تعلیم کا یہ عملہ قائمقام ڈی جی تنویر احمداور قائمقام وفاقی سیکرٹری وسیم اجمل کے ماتحت ہو گا ،نگران حکومت نے آتے ہی تمام اداروں کے سربراہان تبدیل کئے لیکن وسیم اجمل کو تبدیل نہ کیا گیا ،وسیم اجمل چوہدری سابق وزیر اعظم شہباز شریف کے ساتھ صاف پانی سکینڈل پنجاب میں نیب کیس میں شریک ہیں،نون لیگ کے وزیر تعلیم رانا تنویر کے دور میں وسیم اجمل کو بطور ایڈیشنل سیکرٹری وفاقی سیکرٹری کے اختیارات تفویض کئیے گئے ،سابقہ کیڈ منسٹر طارق فضل چوہدری نون لیگ کے امیدوار بھی فیڈرل کیپٹل سے تعلق رکھتے ہیں،سیکرٹری نے اسٹیبلشمنٹ سے ایف ڈی ای کے ڈی جی کی تعیناتی کی درخواست مسترد ہونے کے باوجود تنویر احمد کو چارج دے دیا ،شواہد سے ثابت ہوتا ہے کہ وسیم اجمل چوہدری کے شہباز شریف سے قریبی تعلقات ہیں،درخواست میں دئیے گئے حقائق کی روشنی میں سیکرٹری تعلیم اور ڈی جی کی گریڈ 22اور گریڈ 21 کے افسران کی تعیناتی کا مطالبہ کیا گیا،