fbpx

وائرل ویڈیو پر تنقید سے ہانیہ عامر دلبرداشتہ

وائرل ویڈیو پر تنقید کی وجہ سے دلبرداشتہ ہو کر اداکارہ ہانیہ عامر نے کہا ہے کہ اس دوہرے نظام والی دُنیا میں رہنا مشکل ہے –

باغی ٹی وی : ہانیہ عامر نے اپنے سماجی رابطے کی ویب سائٹ انسٹاگرام پر اپنی ایک ویڈیو شیئر کی جس میں وہ اپنی سہیلی کے ساتھ اپنے کمرے میں اُداس بیٹھی ہیں جبکہ اداکارہ کی سہیلی اُن کو پریشانی سے نکالنے اور نارمل کرنے کی کوشش کررہی ہیں۔

اداکارہ نے ویڈیو کے کیپشن میں لکھا کہ ایک اور دن ایسی دُنیا میں زندہ ہوں جہاں دوہرے معیار کی بے گناہی پر طاقت ہے اور جہاں اختلاف رائے کے ساتھ رہنا کوئی بات نہیں ہے۔

اُنہوں نے لکھا کہ جہاں اگر مرد عورت سے بدتمیزی کرنے کی کوشش کرے تو اس کی تعریف کی جاتی ہے لیکن اگر کوئی عورت ایسا کرتی ہے تو اس سے نفرت کی جاتی ہے۔

ہانیہ عامر نے یہ بھی لکھا کہ ’جہاں ایک عورت اپنے پیاروں سے پیار کرتی ہے تو وہ غلط ہے لیکن اگر مرد کسی عورت کی تصویر پر کچھ غلط کرے تو اُسے وائرل مواد بنا دیا جاتا ہے۔

اداکارہ کی اس پوسٹ پر ساتھی فنکاروں کی بڑی تعداد اداکارہ کی حوصلہ افزائی کرتے ہوئے اُنہیں مضبوط رہنے کا مشورہ دے رہی ہے –

الحمداللّہ، بال بال بچ گیا، ہانیہ کی وائرل ویڈٰیو کے بعد عاصم اظہر کا رد عمل

جواب چھوڑیں

آپ کا ای میل ایڈریس شائع نہیں کیا جائے گا.