مرید عباس قتل کے عینی شاہد کو زہر دے کر قتل کردیا گیا

کراچی: کراچی میں ایک بار عینی شاہد کو گواہی کی وجہ سے قتل ہونا پڑا، تازہ ترین اطلاعات کے مطابق اینکر مرید عباس کے عینی شاہد ندیم کو ہپستال میں زہر دے دی گئی جس کے وجہ سے وہ جاں بحق ہوگئے ہیں. ڈرائیور ندیم اینکر مرید عباس کیس کا چشم دید گواہ تھا، ندیم کی باڈی کو مردہ خانے منتقل کیا جارہا ہے۔

تفصیلات کے مطابق جناح اسپتال کے ایم ایس سیمی جمالی نے عاطف زمان کے ڈرائیور ندیم کے وفات کی تصدیق کردی، ڈرائیور ندیم کو کچھ روز پہلے وینٹی لیٹر پر منتقل کیا گیا تھا۔

پولیس حکام نے یہ جواز پیش کیا ہے کہ ملزم عاطف زمان کے ڈرائیور ندیم نے کیڑے ماڑ دوائی پی کر خودکشی کی کوشش کی تھی جس کے بعد اسے جناح اسپتال منتقل کیا گیا تھا۔واضح رہے کہ مرید عباس قتل کیس میں ملزم عاطف زمان کا ڈرائیور ندیم کا گواہ بھی تھا۔یاد رہے کہ اس سے پہلے بھی کراچی میں عینی گواہوں کو جان کی قربانی دینا پڑی .