کراچی سمیت صوبہ سندھ کے مختلف اضلاع میں رواں برس مون سون بارشوں کی وجہ سے سیہاب کی صورتحال پیدا ہوگئی ہے آج جمعرات کی صبح سے شہر قائد میں ہونے والی طوفانی بارشوں کی وجہ کراچی کے متاثرین کی مشکلات میں مزید اضافہ ہوگیا ہے۔

باغی ٹی وی : گزشتہ چند روز سے ہونے والی بارشوں کے نتیجے میں شہر کے چھوٹے نالے ابل پڑے جبکہ ندیوں میں طغیانی کے باعث کا بارش کا پانی علاقوں میں داخل ہونے شہری چھتوں پر پناہ لینے یا نقل مکانی پر مجبور ہوئے۔

کراچی میں شادمان، لانڈھی، کورنگی، ملیر، ڈیفنس، عائشہ منزل، ناظم آباد، گلشن اقبال، لیاری سمیت متعدد علاقوں میں سڑکیں دریا کے مناظر پیش کرنے لگیں شاہراہ فیصل پر گاڑیاں اور موٹر سائیکلیں بند ہونے سے لوگ شدید اذیت کا شکار ہوئے۔

کئی علاقوں میں نالے اور گٹر ابل پڑے جبکہ ناگن، پی ای ایس ایچ، نرسری اور ملحقہ علاقوں میں نالے کا پانی گھروں میں داخل ہوگیا جس کے باعث مکینوں کا قیمتی سامان خراب ہوگیا جبکہ گلیوں اور سڑکوں پر کھڑی گاڑیاں بھی پانی میں ڈوب گئیں۔

شہر میں صدر اور ٹاور کے اطراف میں دفاتر اور دکانوں میں بھی پانی بھر گیا جبکہ سرجانی ٹاؤن، نارتھ کراچی اور ملحق علاقوں میں تاابوں کی صورت پانی کھڑا ہے، اسی طرح شدید بارش کے نتیجے میں ملیر ندی میں طغیانی کے باعث کورنگی کازوے بند ہوگیا۔

اس کے علاوہ کراچی کے بڑے ہسپتالوں آغا خان اور ضیاالدین (ناظم آباد) میں بھی بارش کا پانی داخل ہوگیا جس کی وجہ سے مریضوں اور ان کے تیمارداروں کو سخت مشکلات کا سامنا کرنا پڑا۔

طوفانی بارشوں سے پیدا ہونے والی صورتحال سے شہر بھر کے عوام مشکلات کا شکار ہیں جبکہ صوبائی حکومت کی جانب سے سندھ میں گزشتہ روز رین ایمرجنسی نافذ کردی تھی۔

وزیر اعلیٰ سندھ مراد علی شاہ نے تیز بارش کے باعث کراچی میں پیدا ہونے والی صورتحال کو تباہ کن قرار دیا ہے تو وہیں شوبز شخصیات نے بھی اس صورتحال پر شدید تشویش کا اظہار کیا ہے۔

اداکار یاسر حسین نے بارشوں کے نتیجے میں شہر کی حالت زار پر دکھ کا اظہار کرتے ہوئے اپنی انسٹاگرام اسٹوری میں لکھا کہ کراچی ڈوب رہا ہے اور ذمے دار لوگ ایک دوسرے پر ڈال رہے ہیں کراچی کی باگ ڈور کسی ایک کے ہاتھ میں ہونی چاہیے جس سے سوال کیا جاسکے یہ شرمناک ہے جن کے گھروں میں پانی بھر گیا ہے خدا کرے ان کی آہ سے اعلیٰ عہدیداران کے محل بہہ جائیں۔

آر جے اور اداکار علی سفینہ نے طنزیہ ٹوئٹ میں لکھا کہ ماشااللہ کراچی میں بارش نااہلی کی سطح سے براہ راست متناسب ہے۔

MashaAllah the rain in karachi is directly proportional to the level of incompetence, just saying.

— Ali Safina (@alisafinas) August 27, 2020

فیشن ڈیزائنر عاصم جوفا نے بھی اپنے ٹوئٹ میں ویڈیو پوسٹ کی اور لکھا کہ یہ خیابان سحر ڈی ایچ اےہے پورا کراچی ان بارشوں سے متاثر ہوگیا ہے اگر ہمارا انفراسٹرکچر اور نکاسی آب کا نظام، منصوبہ بندی کے ساتھ بنایا گیا ہوتا تو بہت سی چیزوں کو بچایا جاسکتا تھا۔

This’s main khayaban e Sehar DHA Whole Karachi has become a victim of these torrid rains. If our infrastructure & drainage system had been made with planning a lot of things could have been saved.I hope for future some effective measures will be taken. #KarachiRains pic.twitter.com/ccOU62hS6u

— Asim Jofa (@asimjofa) August 27, 2020

انہوں نے مزید لکھا کہ امید کرتا ہوں کہ مستقبل میں اس حوالے سے مؤثر اقدامات کیے جائیں گے-

URBAN FLOODING IN KARACHI
⚠️⚠️⚠️ Stay home stay safe everyone 🙏 #KarachiSinks #karachiRain pic.twitter.com/6Hi54pITJc

— Asim Jofa (@asimjofa) August 27, 2020

عاصم جوفا نے اپنے ایک اور ٹوئٹ میں پانی میں ڈوبے انڈر پاس کی ویڈیو پوسٹ کی اور لکھا کہ اربن فلڈنگ کے دوران شہری محفوظ رہیں۔
https://www.instagram.com/p/CEYtOH9Jz36/?utm_source=ig_embed
اداکار اعجاز اسلم نے اپنے انسٹاگرام اکاؤنٹ پر اپنی پوسٹ میں شہریوں کو محفوظ رہنے کی تاکید کی۔
https://www.instagram.com/p/CEZVLwEJzR5/?igshid=xmw4up5pgga4
اعجاز اسلم نے اپنی ایک اور انسٹاگرام پوسٹ میں لکھا کہ یا اللہ کراچی پر رحم فرما-

Can’t believe the footage coming out of Karachi. Bypass’ filled with water, ship containers & cars floating down highways, back yards become pools & street turned into rivers: The city that has no water is now under water. My Prayers are with you Karachi

— Shaniera Akram (@iamShaniera) August 27, 2020

شنیرا اکرم نے دوبارہ سے سماجی رابطے کی ویب سائٹ ٹوئٹر پر کراچی کی حالت پر دکھ کا اظہار کیا انہوں نے لکھا کہ کراچی سے آنے والی فوٹیجز پر یقین نہیں کرسکتی کہ بائے پاس پانی سے بھرے ہیں شپ کنٹینرز اور گاڑیاں ہائی ویز پر تیر رہی ہیں بیک یارڈز پولز اور سڑکیں دریابن گئی ہیں وہ شہر جس کے پاس پانی نہیں ہے آج وہ پانی کے نیچے ہے میری دعائیں کراچی کے ساتھ ہیں۔

I think the dialogue needs to move from who all is responsible for poor drainage to how are we going to tackle impact of climate change in the years ahead.But surely those who have failed to tackle drainage issues can not be trusted with climate policy #KarachiRains #KarachiSinks

— Fakhr-e-Alam (@falamb3) August 27, 2020

اداکار و میزبان فخر عالم نے اپنے ٹوئٹ میں پھر سے حکومت پر تنقید کرتے ہوئے لکھا کہ میرے خیال سے اب نکاسی آب کے ناقص نظام کے ذمہ دار کون ہے کا ڈائیلاگ ہم آئندہ سالوں میں موسمیاتی تبدیلی کے اثرات سے کیسے نمٹیں گے سے تبدیل ہونا چاہیے لیکن یقینی طور پر وہ لوگ جو نکاسی آب کے مسائل سے نمٹنے میں ناکام ہوگئے ان کی موسمیاتی پالیسی پر اعتبار نہیں کیاجاسکتا۔

Karachi be safe…..our prayers for everyone….. #KarachiRain

— Fakhr-e-Alam (@falamb3) August 27, 2020

فخر عالم نے اپنے ایک اور ٹوئٹ میں بارش کے دوران کراچی کے شہریوں کے لیے دعا کرتے ہوئے کہا کہ کراچی محفوظ رہے ہماری دعائیں سب کے ساتھ ہیں۔

واضح رہے کہ شوبز ستارے مسلسل مون سون بارشوں کی وجہ سے کراچی کی تباہی کے حوالے سے پریشانی اور دکھ کا اظہار کر رہے ہیں ساتھ ہی وہ غم و غصے کی صورتحال میں حکومت پر تنقید بھی کر رہے ہیں-