ہالی وڈ فلم ’ونڈر وومن 1984‘ کا دوسرا ٹریلر ریلیز کرتے ہوئے وارنر برادرز نے فلم کو رواں سال اکتوبر میں ریلیز کرنے کی تصدیق کر دی

0
47

ہا لی وڈ کی لیڈی سائنس فکشن فلم ’ونڈر وومن 1984‘ کا دوسرا ٹریلر ریلیز کردیا گیا۔

باغی ٹی وی : ہا لی وڈ کی لیڈی سائنس فکشن فلم ’ونڈر وومن 1984‘ کا دوسرا ٹریلر ریلیز کردیا گیا جبکہ مذکورہ فلم کا پہلا ٹریلر گزشتہ برس 8 دسمبر کو ریلیز کیا گیا تھا جس کے ساتھ ہی فلم کو رواں برس جون میں ریلیز کرنے کا اعلان کیا گیا تھا۔

ابتدائی طور پر ’ونڈر وومن 1984‘ کو اکتوبر 2019 میں ریلیز کرنے کا اعلان کیا تھا لیکن بعد ازاں پروڈکشن ہاؤس وارنر برادرز نے نامعلوم وجوہات کی بنا پر فلم کو جون 2020 میں ریلیز کرنے کا اعلان کیا تھا۔

لیکن پھر دنیا بھر میں عالمگیر وبا کورونا پھیلنے کے باعث نافذ لاک ڈاؤن کی وجہ سے ایک بار پھر ’ونڈر وومن 1984‘ کی ریلیز منسوخ کر کے اگست 2020 میں ریلیز کرنے کا اعلان کیا گیا تھا تاہم اب اگست میں بھی سینما ہاؤسز پر حکومت کی جانب سے پابندی کی وجہ سے
اب ایک بار پھر ’ونڈر وومن‘ کی ریلیز اکتوبر تک مؤخر کردی گئی۔

تاہم اب سوشل میڈیا یو ٹیوب پر دو روز قبل 22 اگست کو 2020 وارنر برادرز نے ’ونڈر وومن 1984‘ کا نیا ٹریلر جاری کرتے ہوئے تصدیق کی کہ فلم کو 2 اکتوبر 2020 میں ریلیز کیا جائے گا۔

’ونڈر وومن 1984‘ میں اپنی 2017 کی فلم ’ونڈر وومن‘ کا سیکوئل ہے اور اس میں اسرائیلی نژاد امریکی اداکارہ اپنے کردار ڈیانا کو ادا کرتی دکھائی دیں گی نئی فلم میں 47 سالہ اداکارہ کرسٹین وگ کو بھی سپر ولن لیڈی کے طور پر دکھایا گیا ہے جو فلم میں سپر لیڈی ہیرو کو تنگ کرتی دکھائی دیں گی۔

’ونڈر وومن 1984‘ کی ہدایات پیٹی جینکسن دی ہیں جنہوں نے پہلی فلم کی ہدایات بھی دی تھیں۔

خیال رہے کہ پہلی ’ونڈر وومن‘ فلم جون 2017 میں ریلیز کی گئی تھی جس نے دنیا بھر میں ریکارڈ کمائی کی تھی۔

علی ظفر کے مداح نے انہیں ہالی وڈ سُپر سٹار ٹام کروز سے مشابہہ قراردیا

Leave a reply