ونڈروومن بننے کی ہمیشہ سے خواہش تھی

0
41

ہالی وڈ کی نامور اور حال ہی میں اسکرین ایکٹرز گلڈ ایوارڈ اپنے نام کرنے والی اداکارہ جینیفر آنسٹن اپنے کیریئر میں کئی کامیاب کردار نبھاچکی ہیں البتہ ایک کردار کا انہوں نے شدت سے انتظار کیا انتظار شدت سے کیا جو انہوں نے آج تک نہیں نبھایا

حال ہی میں اسکرین ایکٹرز گلڈ ایوارڈ کے بعد میڈیا نے ادکارہ سے ان کے کیریئر کے حوالے سے مزید بات چیت کی اور مزید کرداروں کے حوالے سے سوال کیے

غیر ملکی میڈیا کی رپورٹ کے مطابق اداکارہ کا کہنا تھا کہ ‘میں ہمیشہ سے ونڈر وومن کا کردار نبھانا چاہتی تھی اور میں نے اس کا بہت انتظار بھی کیا مجھے ونڈر وومن جیسا سپر ہیروئن کا کردار ادا کرنے کا موقع تو نہیں ملا البتہ دوسرے پروجیکٹس میں منفرد کردار نبھانے پر غور کررہی ہوں

اداکارہ کے مطابق میرے پاس کرنے کو بہت کچھ ہےالبتہ میں کیریئر کے اس موڑ پر اب فوکس کررہی ہوں کہ ایک اداکارہ ہونے کی حیثیت سے میں کیا کچھ کرسکتی ہوں

جینفر آنسٹن کے مطابق میں زیادہ کامیڈی کردار نبھانے کی خواہش مند ہوں میں چاہتی ہوں کہ میں اب خوب ہنسوں اور لوگوں کو ہنساؤں

ان کے سابق شوہر بریڈ پٹ کے‌حوالے سے سوال کے جواب میں اداکارہ کا کہنا تھا کہ وہ اور بریڈ پٹ اب تک اچھے دوست بھی ہیں

واضح رہے کہ جینیفر آنسٹن اس وقت اپنے سابق شوہر بریڈ پٹ کے ساتھ دوبارہ تعلقات استوار کرنے کے حوالے سے خبروں میں ہیں گزشتہ سال کے آخر سے ان دونوں اداکاروں کو کئی ایونٹس میں ایک ساتھ دیکھا گیا

بریڈ پٹ کو بھی اسکرین ایکٹرز گلڈ ایوارڈ میں اپنی فلم ‘ونس اپون اے ٹائم ان ہولی وڈ’ کے لیے ایوارڈ سے نوازا گیا

جینیفر آنسٹن اور براڈ پٹ کے درمیان 1998 میں تعلقات استوار ہوئے، جس کے 2 سال بعد 2000 میں دونوں نے شادی کرلی تھی ان کی شادی محض 5 سال ہی چل سکی اور دونوں نے جنوری 2005 میں علیحدگی اختیار کرلی، جس کے بعد اسی سال اکتوبر میں دونوں کی طلاق ہوگئی

سکرین گلڈ ایوارڈ حاصل کرنے والی پہلی کورین فلم

Leave a reply