fbpx

دڑو :محنت کش غائب ، مبینہ طور پرگرفتار،پولیس گرفتاری سے انکاری ،لواحقین کا احتجاج

باغی ٹی وی ،دڑو(امتیاز آکاش میمن کی رپورٹ)محنت کش غائب ، مبینہ طور پرگرفتار،پولیس گرفتاری سے انکاری ،لواحقین کا احتجاج
تفصیل کے مطابق دڑو کے نواحی گاؤں طاہر سومرو کا رہائشی 60 سالہ محمد عمر سومرو گذشتہ دس دنوں سے گھر سے لاپتہ ہو گیا ہے۔لاپتہ ہونے والے شخص کے ورثاءعاشق سومرو، سکینہ سومرو، رفیق سومرو، فاطمہ سومرو، اعجاز سومرو اور دیگر کی جانب سے سیکڑوں ڈندا بردار افراد اور خواتین و بچوں کے ساتھ مین ٹیکسی اسٹاپ پر ٹائر جلا کر روڈ بلاک کردیااور دھرنا دیکر بیٹھ گئے،مشتعل افراد نے روڈ پر رکاوٹیں ڈال کر کراچی حیدرآباد جانے والی قومی شاھرہ کو بند کردیا ہے ٹریفک کی آمد و رفت معطل ہوکر رہ گئی. احتجاجیوں نے الزام عائد کیا ہے کہ ہمارے گاؤں کے محنت کش کو پولیس نے گرفتار کرکے گم کردیا ہے، اگر ان کے خلاف کوئی مقدمہ ہے تو انہیں ظاہر کیا جائے، ورثاء نے مبینہ گم ہونے والے عمر سومرو کی بازیابی کے لیے اعلیٰ حکام سے مطالبہ کردیا ہے۔دوسری جانب دڑو پولیس کے ایس ایچ او آفتاب میمن نے مبینہ گمشدہ محنت کش عمر سومرو کی گرفتاری سے لاتعلقی ظاہر کردی ہے، انہوں نے مزید کہا کہ ورثہ کے کہنے پر گمشدگی کی رپورٹ داخل کرکے اعلیٰ سطح کی تفتیش کر رہے ہیں،