ورلڈ بینک نے تحریک انصاف کی حکومت کے لیے خوشخبری سنادی

0
27

اسلام آباد:ورلڈ بینک نے تحریک انصاف کی حکومت کے لیے خوشخبری سنادی ،اطلاعات کے مطابق ورلڈبینک نے حکومت پاکستان کی معاشی پالیسیوں سے متاثرہوکرترقیاتی منصوبوں کے لیے رقم کی پیشکش کردی، خیبرپاس اکنامک کوریڈور پروجیکٹ کے لیے ورلڈ بینک کے ساتھ 406.6 ملین ڈالر کے قرض کا معاہدہ طے پاگیا۔

وفاقی وزیر برائے اقتصادی امور حماد اظہر کی نگرانی میں ورلڈ بینک کے ساتھ طے پانےوالے معاہدے کے تحت پشاور سے طورخم تک 48 کلو میٹر 4 لین موٹروے تعمیر کی جائے گی۔حماد اظہر کہتے ہیں‌ کہ اس پروجیکٹ کے تحت لاکھوں لوگوں کو روزگار میسر ہوگا

وفاقی وزیرکاکہنا ہےکہ کے پی ای سی پروجیکٹ کے 2 جز ہیں پہلا سڑک کی تعمیر ہے، دوسرا جز ملحقہ علاقوں میں اسپیشل اکنامک زون بنیں گے۔وفاقی وزیر اقتصادی امور کا کہنا ہے کہ پروجیکٹ میں پبلک پرائیویٹ پارٹنر شپ کی جائے گی، پرائیویٹ فنانس سے اقتصادی سرگرمیوں کے مواقع ہوں گے۔

کنٹری ڈائریکٹر ورلڈ بینک الانگو کہتے ہیں‌ کہ حکومت پاکستان کو معاہدے پر مبارک باد دیتا ہوں، منصوبے کے تحت افغانستان اور وسطی ایشیا کے ساتھ رابطے بڑھیں گے۔کنٹری ڈائریکٹر ورلڈ بینک نے کہا کہ پروجیکٹ کے تحت لاکھوں لوگوں کو روزگار میسر ہوگا، خیبرپختونخوا کی اقتصادی صورت حال بہتر ہوگی۔

Leave a reply