عالمی بینک،پاکستان کیلئے 15 کروڑ ڈالر کا قرض منظور

0
70
world bank

پاکستانی معیشت کے لئے ایک اور اچھی خبر،عالمی بینک نے پاکستان کے لیے 15 کروڑ ڈالر کا قرض منظور کرلیا ہے

عالمی بینک کی جانب سے 15 کروڑ ڈالر کی منظور رقم پنجاب میں اسکول سے باہر رہنے والے بچوں کی تعداد کم کرنے کے منصوبے پرخرچ کی جائے گی،عالمی بینک کی جانب سے جاری اعلامیہ کے مطابق پری پرائمری اور پرائمری سکول تعلیم اور گریڈز میں بہتری کے لئے رقم خرچ کی جائے گی، قرض کی منظوری سے معیاری تعلیم سمیت سیکھنے کے عمل کو بہتر کرنے میں مدد ملے گی اس منصوبے سے 50 لاکھ بچے مستفید ہوں گے۔ رکاری سکولوں کے3 ہزار ٹیچرز اور پنجاب ایجوکیشن فاؤنڈیشن کے ٹیچرز منصوبے سے مستفید ہوں گے، پنجاب میں سکولوں سے باہر 70 ہزار بچوں کو معیاری تعلیم کی فراہمی کے لیے یہ منصوبہ مددگار ثابت ہوگا۔

قبل ازیں رواں ماہ عالمی بینک نے پاکستان کے لیے 1 ارب ڈالر قرض کی منظوری دی تھی، یہ قرض کی رقم داسو ہائیڈرو پاور منصوبے کے لیے استعمال ہو گی۔ورلڈ بینک کے مطابق منصوبے سے بجلی کی سپلائی میں بہتری اور توسیع ہوگی۔واضح رہے کہ داسو ہائیڈرو منصوبہ دنیا کی بہترین سائٹس میں سےایک ہے، داسو صوبہ خیبر پختونخوا کے ضلع کوہستان میں واقع ہے۔

آئی سی سی پی کی جرائم کی شرح میں نمایاں کمی پر تمام افسران کو شاباش
ممی کو 128 سال بعد مناسب طریقے سے دفنانے کی اجازت دے دی گئی
انتخابات میں عالمی مبصرین کو بلانے بارے الیکشن کمیشن کا اجلاس
امریکی کرنسی کے مقابلے روپیہ مزید تگڑا

Leave a reply