ورلڈ اکنامک فورم، ٹرمپ نے وہ تقریر کر دی جو عمران خان اکثر کرتے ہیں

ورلڈ اکنامک فورم، ٹرمپ نے وہ تقریر کر دی جو عمران خان اکثر کرتے ہیں
باغی ٹی وی کی رپورٹ کے مطابق امریکی صدر ڈونلڈ ٹرمپ نے ورلڈ اکنامک فورم سے خطاب کرتے ہوئے کہا ہے کہ امریکہ بے مثال ترقی کی منازل طے کررہا ہے،میری حکومت میں بے روزگاری کم، عالمی معاشی طاقتوں سے معاہدے ہوئے،گزشتہ ہفتےچین اور ماسکو سے بڑےتجارتی معاہدے کیے،اپنے دور میں 70لاکھ نئی نوکریاں پیدا کیں،

ٹرمپ نے مزید کہا کہ الیکشن جیتنے کے بعد امریکیوں کے مفادمیں معاشی پالیسیاں بنائیں،رنگ ،نسل اور مذہبی امتیاز کےبغیرامریکیوں کی بھلائی کے کام کررہے ہیں،ملازمین کی تنخواہوں میں سی اوی اوز سے زیادہ اضافہ ہورہا ہے،امریکی ورکنگ کلاس کےلیے کوئی کام نہیں کیا گیا،پہلی بار بڑی تعداد میں خواتین امریکی فوج کا حصہ بنیں،

ٹرمپ کا مزید کہنا تھا کہ حکومت میں آیا تو معاشی حالات خراب تھے،الیکشن جیتنے کے بعد امریکیوں کے لیے معاشی اقدامات کیے، ماہرین نے امریکی معیشت کے بارے میں منفی پیش گوئی کی تھی، میرے دور حکومت میں امریکہ میں بے روزگاری میں کمی ہوئی، امریکی شہریوں کے لیے بجلی کے نرخوں میں کمی کی، ہم نے آوَٹ سورس اور تنخواہوں میں اضافہ کیا،امریکہ بے مثال ترقی کی منازل طے کررہا ہے،امریکہ سرمایہ کاری کے لیے بہترین مارکیٹ بن چکا ہے،

امریکی صدر نے پاکستانی وزیراعظم عمران خان کے ویژن کے مطابق ایک ٹریلین درخت لگانے کا بھی اعلان کیا،

وائیٹ ہاؤس کے مطابق ڈونلڈ ٹرمپ ڈیوس میں کئی عالمی رہنماوَں سے بھی ملاقات کریں گے،ڈونلڈ ٹرمپ کی یورپی کمیشن اور عالمی اقتصادی فورم کے صدر سے بھی ملاقات ہوگی، امریکی صدر سے پاکستان کے وزیراعظم عمران خان کی بھی ملاقات ہو گی،