fbpx

ورلڈ ہیلتھ اینڈ سیفٹی کے عالمی دن کے موقع پر ریسکیو 1122 کی جانب سے آگاہی مہم جاری

بورےوالا۔ورلڈ ہیلتھ اینڈ سیفٹی کے عالمی دن کے موقع پر ریسکیو 1122 کی جانب سے آگاہی مہم جاری ۔ریسکیو 1122 کی جانب سے کسانوں اور مزدوروں کو حفظان صحت اور سیفٹی کے اصولوں کے بارے میں آگاہ کیا ، ریسکیو 1122 بورے والا نے بھی آج کے دن کے حوالے سے کسانوں میں ایک آگاہی مہم کا آغاز کیا ۔ جس میں ریسکیو اینڈ سیفٹی آفیسر عبدالجبار،کیمونٹی انسٹرکٹر کنول شہزاد بلوچ اور انسٹرکٹر ریسکیو آصف منیر برولہ نے کسانوں کو حفاظتی اقدامات اور حفظان صحت کے اصولوں کے متعلق آگاہی دی۔ریسکیو اینڈ سیفٹی آفیسر بورے والا عبدالجبار کا کہنا تھا کہ ہیلتھ اینڈ سیفٹی کے اصولوں پر عمل پیرا ہو کر کارکن اپنی کام کرنے کی صلاحیت کو مزید بڑھا سکتے ہیں ۔

اس موقع پر ان کا مزید کہنا تھا کہ گندم کی کٹائی کے موسم میں کھیتوں میں آگ لگنے کی بڑی وجہ لاپرواہی اور کھیتوں میں موجود بجلی کے کھمبوں پر ہونے والا شارٹ سرکٹ ہے ۔انہوں نے کسانوں کو پیغام دیا کہ ایسی صورت حال میں کھمبے کے نیچے سے کچھ جگہ چھوڑ کر فصل کاشت کی جائے تاکہ کسی بڑے نقصان سے بچا جاسکے ۔۔

جواب چھوڑیں

آپ کا ای میل ایڈریس شائع نہیں کیا جائے گا.