دنیا بحرانوں کی زد میں ،ایک طرف کرونا تودوسری طرف طوفان گردوغبارسے سعودی عرب میں دو غیرملکی جان کی بازی ہارگئے

ریاض :دنیا بحرانوں کی زد میں ،ایک طرف کرونا تودوسری طرف طوفان گردوغبارسے سعودی عرب میں دو غیرملکی جان کی بازی ہارگئے ،اطلاعات کےمطابق سعودی عرب میں گرد و ٖغبار کے طوفان کے باعث متعدد گاڑیاں آپس میں ٹکرا گئیں، گاڑیوں کے تصادم کے نتیجے میں دو غیر ملکی زندگی کی بازی ہار گئے۔

 

عرب خبر رساں ادارے کی رپورٹ کے مطابق خلیجی ریاست سعودی عرب میں بدھ کے روز خوفناک گرد و غبار کے طوفان نے تباہی مچا دی، حادثوں کے باعث تین افراد زخمی جبکہ دو غیر ملکی شہری ہلاک ہوگئے۔گاڑیوں کے تصادم کا واقعہ حائل شہر سے 130 کلومیٹر دور ہائی وے پر پیش آیا جہاں 12 گاڑیاں آپس میں ٹکرا گئیں۔

تصادم کے بعد ریسکیو اور شہری دفاع کے اہلکاروں نے فوری امدادی کارروائی کرتے ہوئے زخمیوں کو اسپتال منتقل کیا تاہم دو افراد جان کی بازی ہار گئے۔محکمہ موسمیات سعودی عرب کا کہنا ہے کہ گرد و غبار کا طوفان ریاض کے علاوہ شمالی حدود ریجن، الجوف، حائل، نجران اور مشرقی ریجن میں رہے گا۔

عرب میڈیا کے مطابق گرد و غبار کے طوفان کے باعث سوشل میڈیا پر یہ بحث چھڑ گئی تھی کہ گرد و غبار کے طوفان سے موجودہ وائرس کا خاتمہ ہوجائے گا جس کی ڈاکٹر الخضیری نے تردید کردی ہے۔ڈاکٹر الخضیری کا کہنا تھا کہ ایسی کوئی علمی یا طبی دلیل موجود نہیں کہ گرد و غبار کے طوفان سے وائرس کا خاتمہ ہوجائے بلکہ سائنسی اعتبار سے دیکھا جائے تو گرد و غبار کے طوفان کے بعد وائرس مزید تیز اور قوی ہوجاتا ہے۔

جواب چھوڑیں

آپ کا ای میل ایڈریس شائع نہیں کیا جائے گا.