fbpx

ورلڈ کشمیر اویئرنیس فورم کی کشمیر بارے ڈیجیٹل اشتہاری ٹرک مہم:بھارتی مظالم آشکارکرنے کا نیاانداز

واشنگٹن :ورلڈ کشمیر اویئرنیس فورم کی کشمیر بارے ڈیجیٹل اشتہاری ٹرک مہم:بھارتی مظالم آشکارکرنے کا نیاانداز ،اطلاعات کے مطابق ورلڈ کشمیر اویئرنیس فورم کی کشمیر بارے ڈیجیٹل اشتہاری ٹرک مہم شروع کرکے عالمی برادری کوایک اہم پیغام جاری کیا تھا

واشنگٹن میں قائم ورلڈ کشمیر اویئرنیس فورم نے ڈیجیٹل اشتہاری ٹرکوں کے ذریعے بھارت کے غیر قانونی زیر قبضہ جموںوکشمیر میں بھارتی ریاستی دہشت گردی کو اجاگر کی مہم چلائی ہے۔

کشمیر میڈیاسروس کے مطابق نیویارک اور واشنگٹن کی سڑکوں پر موجود ٹرکوں کی الیکٹرانک اسکرینوں پر ”کشمیر بھارتی محاصرے میں ہے ، مقبوضہ جموں و کشمیر دنیا کا سب سے زیادہ فوجی جماﺅ والا خطہ،کشمیر میں نسل کشی بند کرو، بھارت کشمیر میں آزادی صحافت کا گلہ گھونٹ رہا ہے،بھارت کو کشمیر میں جنگی جرائم کا جوابدہ ٹھہراو اور آزادی سب کے لیے“ جیسے پیغامات درج تھے۔

یہ ٹرک27 اکتوبر کو دونوں شہروں کی سڑکوں پر نمودار ہوئے جو کشمیر کی تاریخ کا سیاہ ترین دن ہے جب بھارت نے 1947 اس دن کشمیریوںکی مرضی کے خلاف اپنی فوج سرینگر کے ہوائی اڈے پر اتار دی تھی۔

ورلڈ کشمیر اویئرنیس فورم کے جنرل سیکرٹری ڈاکٹر غلام نبی فائی نے ایک بیان میں کہاکہ ہمارا مقصد صحیح جگہوں پر سامعین تک پر پیغامات پہنچانا تھا اور ہم اپنے مقصد میں کامیاب رہے۔

انہوںنے کہا کہ ٹرکوں کے ذریعے تمام وفاقی عمارتوںبشمول محکمہ خارجہ ،کیپیٹل ہل، کانگریس کی لائبریری،واشنگٹن یادگار،سفید گھر؛ مختلف عجائب گھر،لنکن میموریل،واشنگٹن نیشنل کیتھیڈرل، بھارتی سفارت خانہ، ورلڈ بینک اور آئی ایم ایف کے مقامات پر پیغامات لوگوں تک پہنچائے گئے۔