ورلڈ کپ کیلئے حتمی ٹیم کا انضمام الحق نے اعلان کر دیا ،بڑی خبر آ گئی

0
46

پاکستان کے چیف سلیکٹر انضمام الحق نے کہا ہے کہ پاکستان کے ورلڈ کپ سکواڈ میں تبدیلیاں کی گئی ہیں۔ سرفراز احمد پاکستان کی قومی ٹیم کےکپتان ہوں گے۔ شاداب خان کے حوالہ سے رپورٹس آ گئی ہیں وہ بھی کھیلیں گے.

باغی ٹی وی کی رپورٹ کے مطابق پاکستان کرکٹ ٹیم کے چیف سیلیکٹر انضمام الحق نے لاہور میں پریس کانفرنس کرتے ہوئے ورلڈ کپ کے لئے حتمی سکواڈ کا اعلان کیا اور کہا کہ شاداب خان، محمد عامر، وہاب ریاض اور آصف علی کو ٹیم میں شامل کر لیا گیا ہے. انہوں نے مزید کہا کہ فہیم اشرف ، عابد علی اور جنید خان کو ورلڈ کپ سکواڈ سے آوٹ کیا گیا ہے. انضمام الحق نے مزید کہا کہ قومی کرکٹ ٹیم کے کپتان سرفراز احمد ہی ہوں گے. ڈاکٹرز نے شاداب خان کے ٹیسٹ کے بعد انہیں کلئیر قرار دے دیا ہے، اب وہ ورلڈ کپ میں پرفارمنس دکھائیں گے .پندرہ رکنی ٹیم کے دیگر کھلاڑیوں میں آصف علی، بابراعظم، فخر زمان، حارث سہیل، حسن علی، عماد وسیم، امام الحق، محمد عامر، محمد حفیظ، محمد حسنین، شاداب خان، شاہین شاہ آفریدی، شعیب ملک اور وہاب ریاض شامل ہیں .انضمام الحق نے مزید کہا کہ محمد عامرہمارا سب سے سینئر باﺅلر ہے جسے انگلینڈ میں باﺅلنگ کا وسیع تجربہ ہے محمد عامر کے اکانومی ریٹ بھی بہت بہتر ہیں ، محمد عامر اور وہاب ریاض کے آنے سے تجربے کی کمی بھی پوری ہو جائے گی اور ٹیم کو فائدہ ہو گا۔

Leave a reply