وزیر تعلیم بھی کرونا کا شکار ہو گئے.

0
12

وزیر تعلیم بھی کرونا کا شکار ہو گئے.
باغی ٹی وی کی رپورٹ کے مطابق پاکستان میں کرونا کی دوسری لہر جاری ہے، کرونا کے مریضوں اور اموات میں مسلسل اضافہ ہو رہا ہے،اہم شخصیات بھی کرونا کا شکار ہو رہی ہیں

پنجاب کے صوبائی وزیر تعلیم پنجاب مراد راس کاکورونا ٹیسٹ مثبت آ گیا ہے،مراد راس نے سوشل میڈیا پر ٹیسٹ مثبت آنے کی تصدیق کردی،وزیر تعلیم مراد راس کا کہنا ہے کہ جتنے لوگوں نے مجھ سے ملاقات کی وہ اپنے کورونا ٹیسٹ کروائیں،

این سی او سی کے مطابق کرونا سے پاکستان میں مزید 26 اموات اور ایک ہزار 48 نئے کیسز سامنے آئے ہیں۔پاکستان میں کورونا سے اموات کی مجموعی تعداد 12 ہزار 333 تک پہنچ گئی جبکہ متاثرہ افراد کی مجموعی تعداد 5 لاکھ 64 ہزار 77 ہو گئی ہے۔ملک میں کورونا سے 5 لاکھ 25 ہزار 997 افراد صحتیاب ہو چکے ہیں اور زیر علاج مریضوں کی تعداد 25 ہزار 747 ہے۔

این سی او سی کے مطابق کورونا سے پنجاب میں 5 ہزار 51 افراد جان کی بازی ہار چکے ہیں جبکہ سندھ میں 4 ہزار 219، خیبر پختونخوا میں ایک ہزار 995، اسلام آباد میں 486، گلگت بلتستان میں 102، بلوچستان میں 199 اور آزاد کشمیر میں 281 افراد جان کی بازی ہار چکے ہیں۔

Leave a reply